Sat, February 13, 2016

Type in English and Give Space to Convert to Telugu

'ప్యాకేజీ ఇవ్వండి''విలీనమా.. అనర్హతా?''అదనపు పనులన్నీ పాత గుత్తేదారులకే''భారతమాతను కించపరిస్తే సహించం''‘తెలంగాణ బ్రాండ్‌’ పేరుతో అమ్మకాలు''శాశ్వత ఉత్సవంగా మేడారం జాతర''కేంద్ర బడ్జెట్‌లో వ్యవసాయం''విలీన లేఖపై ఏమి చేయాలి?''వీరసేనానికి కన్నీటి వీడ్కోలు''అమ్మతనానికి అండ'
కేంద్ర మంత్రిమండలిలో సుజనా చౌదరికి అవకాశం?
ఈనాడు, హైదరాబాద్‌: కేంద్ర మంత్రిమండలిలో తెలుగుదేశం పార్టీకి మరో స్థానం దక్కే అవకాశాలు కనిపిస్తున్నాయి. ప్రధాని నరేంద్రమోదీ ఆదివారం మంత్రివర్గాన్ని విస్తరించనున్నారని తెలుస్తోంది. ఇందులో తమ పార్టీకి ఒక స్థానం లభిస్తుందని, అది రాజ్యసభ సభ్యుడు, తెదేపా పార్లమెంటరీ పార్టీ నేత సుజనా చౌదరికి దక్కుతుందని ఆ పార్టీ నేతలు అంచనా వేస్తున్నారు. తొలి దఫాలోనే ఇద్దరికి చోటు కల్పిస్తారని భావించారు. అయితే ఒక్కరికే స్థానం ఇవ్వడంతో, ఆ ఆవకాశాన్ని సీనియర్‌ నేత అశోక్‌గజపతిరాజుకు ఇచ్చారు. ఇద్దరికి అవకాశం ఉంటే సుజనా చౌదరిని తీసుకొనే వారని అప్పట్లో ఎంపీల అంతర్గత సమావేశంలో సీఎం చంద్రబాబు పేర్కొన్నారు. అందువల్ల ఆయనకు ఈసారి చోటు లభిస్తుందని పార్టీ వర్గాలు భావిస్తున్నాయి. గురువారం దిల్లీ పర్యటనకు వెళ్లిన చంద్రబాబుతో ప్రధాని నరేంద్రమోదీ ఫోన్‌లో మాట్లాడారు. ఈ సందర్భంగా మంత్రివర్గ విస్తరణ గురించి కూడా చర్చ జరిగిందని సమాచారం. కొత్తవారికి కేబినెట్‌ హోదా ఇస్తారా? లేకుంటే సహాయమంత్రి పదవి ఇస్తారా? స్వతంత్ర ప్రతిపత్తి ఉన్న శాఖ ఇస్తారా? అన్నదానిపై పార్టీలో చర్చ జరుగుతోంది. పర్యాటక శాఖ అప్పగించవచ్చనే ప్రచారం కూడా జరుగుతోంది. బీసీకి పదవులు ఇవ్వాలనుకుంటే నిమ్మల కిష్టప్ప, కొనకళ్ల నారాయణల పేర్లు, దళిత సామాజిక వర్గానికి ఇవ్వాలంటే చిత్తూరు ఎంపీ శివప్రసాద్‌ పేరునూ పరిశీలించవచ్చు. ఈ పదవిని తెలంగాణకు ఇవ్వాలనుకుంటే ఇక్కడి లోక్‌సభ, రాజ్యసభ సభ్యుల పేర్లను పరిగణనలోకి తీసుకుంటారు. పదవిని తెలంగాణకు కేటాయిస్తే ఇక ఆంధ్రప్రదేశ్‌ వారికి అవకాశం ఉండదు. విస్తరణలో తెలంగాణకు చెందిన భాజపా సీనియర్‌ నేత బండారు దత్తాత్రేయ పేరు కూడా పరిశీలనలో ఉన్నట్టు తెలిసింది. అయితే చివరకు ఏం జరుగుతుందన్నది వేచి చూడాల్సిందేనని పరిశీలకులు అంటున్నారు.

మా వూరికి మంచి నీళ్లు...

బాగా ఆస్తిపాస్తులున్న వాళ్లని శ్రీమంతులంటారు.మహేశ్‌బాబు నటించిన ‘శ్రీమంతుడు’ చూశాక ఆ అర్థం మారిపోయిందనే చెప్పవచ్చు. ఎక్కడ పెరిగినా, స్థిరపడినా సొంతూరి...

ప్రేమలు మెరిసే.. తారలు మురిసే!

ప్రేమ ఓ అనీర్వచనీయమైన అనుభూతి. ప్రేమలో పడితేనే దాని మాధుర్యం ఏంటో తెలిసేది. నిజ జీవితాల్లోనే కాదు వెండితెరపైనా ప్రేమ అద్భుతమైన విజయాలు అందించింది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net