కోహ్లి ‘రహస్యం’ చెప్పేశాడు!
close

తాజావార్తలు

కోహ్లి ‘రహస్యం’ చెప్పేశాడు!
లక్ష్యానికి పరిమితులొద్దు
దిల్లీ: పరిమిత ఓవర్ల క్రికెట్‌లో సారథ్యం చేపట్టిన తొలి వన్డేలోనే అద్భుతం శతకం బాది జట్టును విజయ తీరాలకు చేర్చాడు విరాట్‌కోహ్లి. పుణె వేదికగా జరిగిన తొలి వన్డేలో ఇంగ్లాండ్‌ నిర్దేశించిన 351 పరుగుల లక్ష్యాన్ని ఛేదించిన తర్వాత మీడియాతో మాట్లాడాడు. తన విజయ రహస్యాల్ని వెల్లడించాడు. తన జీవితంలో ఎక్కువ మంది ఆప్తులు లేకపోవడమూ ఒక కారణమని పేర్కొన్నాడు.

ఆప్తులు కొందరే
‘అదృష్టవశాత్తూ నా జీవితంలో ఎక్కువ మంది సన్నిహితులు లేరు. అది నాకు సాయపడిందని అనుకుంటాను. మనం మాట్లాడాల్సిన స్నేహితులు, జనాలు ఎక్కువమంది ఉండటం భంగం కలిగిస్తుంది. సమయ నిర్వహణ కష్టమవుతుంది’ అని అన్నాడు. ఎవరైనా సరే వారి లక్ష్యానికి పరిమితులు విధించుకోవద్దని ఉద్ఘాటించాడు. ‘కొన్నిసార్లు మనకు తెలీకుండా మన లక్ష్యానికి పరిమితులు విధించుకొంటాం. నేనలా చేయను. నేనెప్పుడూ నా సామర్థ్యాన్ని బాగా ప్రదర్శించాలని కోరుకుంటాను. సమయ నిర్వహణకు వచ్చేసరికి అప్రాధాన్యమైన అంశాల్ని వదిలేస్తాను. నా జీవితంలో సాధించాల్సిన దానిపై ఎప్పుడూ పరిమితులు పెట్టుకోను’ అని పేర్కొన్నాడు.

సచిన్‌ రికార్డులు కష్టమే!
జీవితంలో సమతూకం ఏర్పరుచుకొని ముందుకెళ్లాలని కోహ్లి అన్నాడు. తానెప్పుడూ సమతూకంగా ఉంటానన్నాడు. సచిన్‌ తెందుల్కర్‌తో పోలిక గురించి స్పందించాడు. సచిన్‌ ఘనతల్ని అందుకోవడం చాలా కష్టమైన పనిగా పేర్కొన్నాడు. ‘నేను అంతకాలం (24 ఏళ్లు) ఆడకపోవచ్చు. 200 టెస్టులు, 100 శతకాలు అనేవి అద్భుతమైన సంఖ్యలు. వాటిని సాధించడం అసాధ్యం! కానీ.. క్రికెట్‌పై చెరగని ముద్ర వేస్తానని మాత్రం నేనెప్పుడూ బలంగా నమ్ముతా’ అని కోహ్లి చెప్పాడు.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2017 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.