Breaking | Feedback | ePratibha | E-PAPER | Pratibha

RIL AGM: బీమా రంగంలోకి జియో ఫైనాన్షియల్‌ ఎంట్రీ.. కీ అప్‌డేట్స్‌ ఇవీ..

Updated : 28 Aug 2023 18:56 IST

RIL AGM: రిలయన్స్‌ ఇండస్ట్రీస్‌ 46 వార్షిక సాధారణ సమావేశం ముగిసింది. జియో ఎయిర్‌ ఫైబర్‌, జియో ఫైనాన్షియల్ సర్వీసెస్‌కు సంబంధించి రిలయన్స్‌ ఇండస్ట్రీస్‌ అధిపతి ముకేశ్‌ అంబానీ కీలక ప్రకటనలు చేశారు. రిలయన్స్‌ సాధించిన ఘనతలు, భవిష్యత్‌ ప్రణాళికలను ఈ సందర్భంగా వాటాదారుల ముందుంచారు.

ముఖ్యమైన అప్‌డేట్స్‌ ఇవీ..

సెప్టెంబర్‌ 19న జియో ఎయిర్‌ఫైబర్‌ (పూర్తి వార్త కోసం క్లిక్‌ చేయండి..)
రిలయన్స్‌ బోర్డులోకి తనయులు (పూర్తి వార్త కోసం క్లిక్‌ చేయండి..)
బీమా రంగంలోకి జియో ఫైనాన్షియల్‌ సర్వీసెస్‌ (పూర్తి వార్త కోసం క్లిక్‌ చేయండి..)

28/08/2023 15:37(IST)

50 వేలమంది విద్యార్థులకు సాయం

రిలయన్స్‌ ఫౌండేషన్‌ ద్వారా విద్య, వైద్యం, క్రీడలు, మహిళా సాధికారిత కోసం పాటు పడుతున్నట్లు రిలయన్స్‌ ఫౌండేషన్‌ ఛైర్‌పర్సన్‌ నీతా అంబానీ తెలిపారు. రానున్న 10 ఏళ్లలో వెనుకబడిన తరగతులకు చెందిన 50 వేల మంది విద్యార్థులకు తోడ్పాటు అందించనున్నట్లు చెప్పారు.

28/08/2023 15:33(IST)

2035 నాటికి నెట్‌జీరో

2026 నాటికి బ్యాటరీ గిగా ఫ్యాక్టరీ ప్రారంభించనున్నట్లు ముకేశ్ అంబానీ తెలిపారు. 2030 నాటికి 100 గిగావాట్ల పునరుత్పాదక ఇంధన లక్ష్యాన్ని అందుకోవాలనుకుంటున్నట్లు చెప్పారు. 2035 నెట్‌ జీరో లక్ష్యాలను అందుకోవాలనుకుంటున్నట్లు ముకేశ్‌ అంబానీ తెలిపారు.

28/08/2023 15:21(IST)

ఆశాకిరణంలా గ్యాస్‌ బిజినెస్‌..

బీపీ భాగస్వామ్యంతో కలిసి కేజీబీ బ్లాక్‌-6లో 20 మిలియన్‌ క్యూబిక్‌ మీటర్ల గ్యాస్‌ ఉత్పత్తిని పునరుద్ధరించినట్లు ముకేశ్‌ అంబానీ వెల్లడించారు. ఈ ఏడాది అత్యంత క్లిష్టమైన, సమర్థమైన ఎంజే ఫీల్డ్‌ను ప్రారంభించినట్లు తెలిపారు. రోజుకి ఇక్కడ 14 మిలియన్‌ క్యూబిల్‌ మీటర్ల గ్యాస్‌ ఉత్పత్తి అవుతుందని తెలిపారు. రోజుకి 30 మిలియన్ల స్టాండర్డ్‌ క్యూబిక్‌ మీటర్ల గ్యాస్‌ ఉత్పత్తి లక్ష్యాన్ని సాధించే దిశగా ముందుకు సాగుతున్నట్లు వెల్లడించారు. అంతర్జాతీయంగా సంప్రదాయ ఇంధన రంగంలో ప్రతికూల పరిస్థితులు నెలకొన్న తరుణంలో ఈ గ్యాస్‌ ఉత్పత్తి దేశానికి ఆశాకిరణంగా మారిందని తెలిపారు. ఆయిల్‌-టు-కెమికల్‌ వ్యాపారంలో గత ఏడాది రూ.62,075 కోట్ల EBITDAను సాధించినట్లు వెల్లడించారు. తమ ఆయిల్‌-టు-కెమికల్‌ బిజినెస్‌ క్రమంగా సుస్థిర, హరిత, చక్రీయ, రసాయనాలు, వస్తువుల వ్యాపారంగా రూపాంతరం చెందుతున్నట్లు పేర్కొన్నారు.

28/08/2023 15:14(IST)

ఇన్సురెన్స్‌ రంగంలోకి జియో ఫైనాన్షియల్‌ సర్వీసెస్‌

జియో ఫైనాన్షియల్‌ సర్వీసెస్‌ ద్వారా బీమా రంగంలోకి ప్రవేశిస్తున్నట్లు రిలయన్స్‌ ఇండస్ట్రీస్‌ అధిపతి ముకేశ్‌ అంబానీ తెలిపారు. సాధారణ, ఆరోగ్య బీమా సేవలను దీని ద్వారా అందించనున్నట్లు చెప్పారు. రిలయన్స్‌ జియో, రిలయన్స్‌ రిటైల్‌ తరహాలోనే జియో ఫైనాన్షియల్‌ సర్వీసెస్‌ కూడా అదే స్థాయిలో విజయం సాధిస్తుందని ధీమా వ్యక్తంచేశారు.

28/08/2023 15:09(IST)

బ్లాక్‌రాక్‌తో కలిసి జాయింట్‌ వెంచర్‌

రిలయన్స్ ఇండస్ట్రీస్‌ నుంచి ఇటీవల వేరుపడిన జియో ఫైనాన్షియల్‌ సంస్థ.. ఫైనాన్షియల్‌ ఇండస్ట్రీలో ఉన్న లోటును పూడ్చనుందని ముకేశ్‌ అంబానీ తెలిపారు. ప్రపంచంలోనే అతిపెద్ద ఇన్వెస్ట్‌మెంట్‌ కంపెనీ అయిన బ్లాక్‌రాక్‌తో కలిసి అసెట్‌ మేనేజ్‌మెంట్‌ జాయింట్‌ వెంచర్‌ను భారత్‌లో ఏర్పాటు చేస్తున్నట్లు తెలిపారు. ఇది టెక్‌ ఆధారిత సరసమైన, వినూత్న పెట్టుబడి పరిష్కారాలను అందిస్తుందని తెలిపారు.

28/08/2023 15:04(IST)

కొత్తగా 3,300 స్టోర్లు..

రిలయన్స్‌ రిటైల్‌లో గతేడాదిలో 100 కోట్ల లావాదేవీలు నమోదైనట్లు ఈశా అంబానీ తెలిపారు. 78 కోట్ల మంది తమ స్టోర్లను సందర్శించినట్లు వెల్లడించారు. నమోదిత వినియోగదారుల సంఖ్య 25 కోట్లకు పెరిగినట్లు తెలిపారు. డిజిటల్‌, నూతన కామర్స్‌ వ్యాపారం నుంచి రూ.50,000 కోట్ల ఆదాయం నమోదైనట్లు పేర్కొన్నారు. గత రెండేళ్లలో రిటైల్‌ వ్యాపారాల్లో 10 బిలియన్‌ డాలర్లు పెట్టుబడిగా పెట్టినట్లు తెలిపారు. గత ఆర్థిక సంవత్సరంలో 3,300 కొత్త స్టోర్లు ఏర్పాటు చేసినట్లు పేర్కొన్నారు. దీంతో మొత్తం స్టోర్ల సంఖ్య 18,040కి పెరిగినట్లు తెలిపారు.

28/08/2023 14:57(IST)

రిలయన్స్‌ రిటైల్‌ ఆదాయం రూ.2.6 లక్షల కోట్లు

గతేడాది రిలయన్స్‌ రిటైల్‌ అద్భుతమైన ఫలితాలు సాధించినట్లు ముకేశ్‌ తెలిపారు. ఈ సంస్థ రూ.2,60,364 కోట్ల వార్షిక ఆదాయాన్ని ఆర్జించినట్లు వెల్లడించారు. 30 శాతం వృద్ధిరేటు సాధించినట్లు తెలిపారు. EBITDA రూ.17,928 కోట్లు, నికర లాభం రూ.9,181 కోట్లుగా నమోదైనట్లు వెల్లడించారు. గతేడాది వ్యవధిలో ప్రపంచవ్యాప్తంగా ప్రఖ్యాత కంపెనీల నుంచి భారీ ఎత్తున నిధులను సమీకరించినట్లు తెలిపారు. ఇటీవల చేరిన కతార్‌ ఇన్వెస్ట్‌మెంట్ పెట్టుబడులతో రిలయన్స్‌ రిటైల్‌ విలువ రూ.8.28 లక్షల కోట్లుగా లెక్కగట్టినట్లు తెలిపారు.

28/08/2023 14:37(IST)

రిలయన్స్‌ బోర్డులోకి ఈశా, ఆకాశ్‌, అనంత్‌

బిలియనీర్‌ ముకేశ్‌ అంబానీ వారసులు ఈశా, ఆకాశ్‌, అనంత్‌ అంబానీ రిలయన్స్‌ ఇండస్ట్రీస్‌ బోర్డులోకి ప్రవేశించారు. వీరిని నాన్‌-ఎగ్జిక్యూటివ్‌ డైరెక్టర్లుగా నియమిస్తూ ఇటీవల కంపెనీ బోర్డు నిర్ణయం తీసుకున్నట్లు ముకేశ్‌ తెలిపారు. గతేడాది వివిధ వ్యాపారాల నిర్వహణ బాధ్యతలు తీసుకున్న వీరు.. క్రమంగా కంపెనీలో మరింత ఉన్నత స్థాయికి చేరుకుంటున్నారు. తద్వారా ముకేశ్‌ తన వారసత్వ ప్రణాళికను పటిష్ఠంగా ముందుకు తీసుకెళ్తున్నారు.

28/08/2023 14:26(IST)

వినాయక చవితికి రిలయన్స్‌ జియో ఎయిర్‌ ఫైబర్‌

ఫైబర్‌ కేబుల్‌ అవసరం లేకుండా తీసుకొస్తున్న జియో ఎయిర్‌ ఫైబర్‌ను వినాయక చవితికి లాంచ్‌ చేస్తున్నట్లు ముకేశ్‌ అంబానీ తెలిపారు. సెప్టెంబర్‌ 19న దీన్ని తీసుకొస్తున్నట్లు పేర్కొన్నారు.

28/08/2023 14:23(IST)

రిలయన్స్‌ నికర లాభం రూ.73,670 కోట్లు..

రిలయన్స్‌ ఏకీకృతంగా 2022- 23లో రూ.9,74,864 కోట్ల ఆదాయాన్ని ఆర్జించినట్లు ముకేశ్‌ అంబానీ తెలిపారు. EBITDA రూ.1,53,920 కోట్లు, నికర లాభం రూ.73,670 కోట్లుగా నమోదైనట్లు వెల్లడించారు. కంపెనీ ఎగుమతుల విలువ రూ.3.4 లక్షల కోట్లుగా నమోదైనట్లు తెలిపారు. భారత వస్తువుల ఎగుమతుల్లో రిలయన్స్ వాటా 9.3 శాతానికి పెరిగినట్లు వెల్లడించారు. కార్పొరేట్‌ సామాజిక బాధ్యత కింద రూ.1,271 కోట్లు ఖర్చు చేసినట్లు తెలిపారు. అన్ని విభాగాల్లో కలిపి 2.6 లక్షల కొత్త ఉద్యోగాల కల్పన చేసినట్లు తెలిపారు. ప్రస్తుతం కంపెనీలో మొత్తం 3.9 లక్షల ఉద్యోగులు పనిచేస్తున్నట్లు వెల్లడించారు.

28/08/2023 14:15(IST)

45 కోట్లకు జియో యూజర్లు

దేశంలో రిలయన్స్‌ జియో యూజర్ల సంఖ్య 45 కోట్లు దాటారని ముకేశ్‌ అంబానీ తెలిపారు. సగటు వినియోగం నెలకు 25జీబీకి చేరిందని చెప్పారు. నెలకు 1100 కోట్ల జీబీ డేటా తమ వినియోగదారులు ఖర్చు చేస్తున్నట్లు పేర్కొన్నారు. ప్రస్తుతం 5 కోట్ల మంది జియో 5జీ యూజర్లు ఉన్నారని తెలిపారు. 2జీ వినియోగదారులను 4జీకి మార్చేందుకు జియో భారత్‌ ఫోన్‌ను కేవలం రూ.999కే తీసుకొచ్చాం.

28/08/2023 14:07(IST)

రిలయన్స్‌ ఏజీఎం ప్రారంభం

రిలయన్స్‌ 46వ వార్షిక సాధారణ సమావేశం ప్రారంభమైంది. రిలయన్స్‌ ఇండస్ట్రీస్‌ అధిపతి ముకేశ్‌ అంబానీ వాటాదారులను ఉద్దేశించి మాట్లాడుతున్నారు. చంద్రయాన్‌-3 విజయాన్ని గుర్తుచేస్తూ ఛైర్మన్‌ ముకేశ్‌ అంబానీ ఏజీఎం ప్రసంగాన్ని ప్రారంభించారు. గత పదేళ్లలో కంపెనీ 150 బిలియన్‌ డాలర్లకు పైగా పెట్టుబడిగా పెట్టినట్లు తెలిపారు. ఇతర ఏ కార్పొరేట్‌ కంపెనీ ఈ స్థాయి పెట్టుబడులు పెట్టలేదని తెలిపారు. వినియోగదారులకు చౌకగా, నాణ్యమైన సేవలు అందించేందుకు వినూత్న పద్ధతులను అందుబాటులోకి తెచ్చినట్లు పేర్కొన్నారు. రిలయన్స్‌ కొత్త తరం టెక్నాలజీ కంపెనీగా అవతరించినట్లు తెలిపారు.

28/08/2023 13:27(IST)

5జీ ప్రీపెయిడ్‌ ప్లాన్స్‌..

డిసెంబర్‌ 2023 నాటికి దేశవ్యాప్తంగా ‘5జీ’ని అమలు చేస్తామని వార్షిక నివేదికలో రిలయన్స్‌ వెల్లడించింది. ఈ నేపథ్యంలో ఆ దిశగా కీలక ప్రకటనలు ఉండొచ్చని ఆశిస్తున్నారు. ఆకర్షణీయ 5జీ ప్రీపెయిడ్‌ ప్లాన్స్‌ ఉండే అవకాశం ఉందని ఊహాగానాలు వినిపిస్తున్నాయి. జియోభారత్‌ 4జీ ఫోన్‌ తరహాలో జియో 5జీ స్మార్ట్‌ఫోన్‌ కోసం ఏమైనా ప్రత్యేకమైన ప్లాన్స్‌ ప్రకటిస్తారా? అనే అంశంపై ఆసక్తి నెలకొంది.

28/08/2023 13:08(IST)

బీమాలోకీ జేఫ్‌ఎస్‌?

జియో ఫైనాన్షియల్‌ సర్వీసెస్‌ (JFS) ఇటీవలే స్టాక్‌ ఎక్స్ఛేంజీల్లో లిస్టయిన విషయం తెలిసిందే. ఈ నేపథ్యంలో రాబోయే రోజుల్లో ఈ సంస్థ ఇతర ఏయే రంగాల్లోకి విస్తరించనుందనే అంశంపై అనేక అంచనాలు నెలకొన్నాయి. బ్యాంకింగేతర కార్యకలాపాల్లో ఈ కంపెనీ చురుగ్గా మారే అవకాశం ఉందని తెలుస్తోంది! మ్యూచువల్‌ ఫండ్‌ కంపెనీని ప్రారంభించడం కోసం ఇటీవలే బ్లాక్‌రాక్‌తో జేఎఫ్‌ఎస్‌ భాగస్వామ్యం కుదుర్చుకుంది. త్వరలో ఇది బీమా రంగంలోకీ ప్రవేశించే అవకాశం ఉందనే ఊహాగానాలు వినిపిస్తున్నాయి.

28/08/2023 12:34(IST)

ఐపీఓ టైమ్‌లైన్స్‌..

రిలయన్స్‌ అనుబంధ సంస్థల ఐపీఓలపై మదుపర్లు చాలా ఆసక్తితో ఉన్నారు. దీనిపై గత ఏజీఎంలో సంస్థ ఛైర్మన్‌ ముకేశ్‌ అంబానీ స్పందించారు. వచ్చే ఏడాది జియో, రిటైల్‌ ఐపీఓలపై సమాచారమిస్తానని ప్రకటించారు. దీంతో ఆయా విభాగాల పబ్లిక్‌ ఇష్యూ వివరాలపై ప్రకటన ఉండే అవకాశం ఉందని వ్యాపార వర్గాలు అంచనా వేస్తున్నాయి.

28/08/2023 12:12(IST)

జేఎఫ్‌ఎస్‌ లిస్టింగ్‌ తర్వాత వస్తున్న ఏజీఎం..

రిలయన్స్‌ 46వ వార్షిక సాధారణ సమావేశంలో కీలక ప్రకటనలు ఉండే అవకాశం ఉందని వ్యాపార వర్గాలు అంచనా వేస్తున్నాయి. రాబోయే కొన్ని రోజుల పాటు ఇవే స్టాక్‌ మార్కెట్లకు దిశానిర్దేశం చేయొచ్చని విశ్లేషిస్తున్నాయి. ఇటీవలే ఈ దిగ్గజ సంస్థ నుంచి ‘జియో ఫైనాన్షియల్‌ సర్వీసెస్‌ (JFS)’ స్టాక్‌ ఎక్స్ఛేంజీల్లో లిస్టయిన విషయం తెలిసిందే. మరోవైపు ‘రిలయన్స్‌ రిటైల్‌ వెంచర్స్‌ లిమిటెడ్‌ (RRVL)లో ‘కతార్‌ ఇన్వెస్ట్‌మెంట్‌ అథారిటీ’ రూ.8,278 కోట్లతో దాదాపు ఒక శాతం వాటా కొనుగోలుకు ఒప్పందం కుదుర్చుకుంది. ఈ నేపథ్యంలో తాజా ఏజీఎంపై సర్వత్రా ఆసక్తి నెలకొంది.

App

ఆరోగ్య బీమా.. ఏ వయసులోనైతే మేలు..?

ఆరోగ్య బీమా అందరికీ అందేలా...

ఉత్పత్తి రంగంలో మదుపు

ప్రయాణంలో తోడుగా..

రూ.8500కే మూడు రోజుల శిర్డీ టూర్‌.. ఐఆర్‌సీటీసీ ప్యాకేజీ వివరాలు ఇవీ..

ఇన్‌స్టంట్‌ ఇ-పాన్‌ కావాలా..? ఉచితంగా పొందండిలా..

మారుతీ నుంచి అందుబాటు ధరకే త్వరలో హైబ్రిడ్‌ కారు

బీజింగ్‌ ఆటోషో జిగేల్‌

అప్పు చేసి.. పెట్టుబడి వద్దు

సొంత పాలసీ తీసుకోవాలా?

వేసవిలో ఫోన్‌ ఛార్జింగ్‌ వేగం తగ్గుతుంది..? ఎందుకు?

ఎయిర్‌ గెశ్చర్స్‌తో రియల్‌మీ నుంచి బడ్జెట్‌ కొత్త ఫోన్‌

RIL AGM: బీమా రంగంలోకి జియో ఫైనాన్షియల్‌ ఎంట్రీ.. కీ అప్‌డేట్స్‌ ఇవీ..

తాజా వార్తలు (Latest News)

పండుగాడికి పద్దెనిమిదేళ్లు .. ‘పోకిరి’ ఆసక్తికర విశేషాలు..

ఇరాక్‌లో దారుణం.. సోషల్‌ మీడియా స్టార్‌ హత్య

లఖ్‌నవూపై సూపర్ ఇన్నింగ్స్‌.. పొట్టి కప్‌ రేసులోకి సంజూ!

ఈనాడు.నెట్‌లో టాప్‌ 10 వార్తలు @ 1 PM

పదేళ్ల పాలనలో మీరు ఎన్ని హామీలు అమలు చేశారు?: బండి సంజయ్‌కు పొన్నం కౌంటర్‌

వేసవిలో ఫోన్‌ ఛార్జింగ్‌ వేగం తగ్గుతుంది..? ఎందుకు?

సుఖీభవ

చదువు