ముందస్తు వ్యాధులున్నా.. టర్మ్‌ పాలసీ..

షేర్లు - ఫండ్లు

తక్కువ ప్రీమియతో ఎక్కువ రక్షణ కల్పించేవి టర్మ్‌ లైఫ్‌ ఇన్సూరెన్స్‌ పాలసీలు. ముందస్తు వ్యాధులు ఉన్నప్పుడు ఈ బీమా పాలసీలు తీసుకోవడం కష్టమే. దీంతో ఎంతోమంది టర్మ్‌ పాలసీలకు దూరంగా ఉండిపోతారు. మిగతా పాలసీలు తీసుకున్నా అధిక ప్రీమియం చెల్లించాల్సి వస్తుంది. ఇలాంటి వారిని దృష్టిలో పెట్టుకొని ఐసీఐసీఐ ప్రుడెన్షియల్‌ లైఫ్‌ ఇన్సూరెన్స్‌ ‘ప్రీషియస్‌ లైఫ్‌’ పేరుతో వినూత్న టర్మ్‌ పాలసీని తీసుకొచ్చింది. మధుమేహం, అధిక రక్తపోటు, ఊబకాయం తదితర ఆరోగ్య సమస్యలు ఉన్నవారితోపాటు, క్యాన్సర్‌ బారిన పడి కోలుకున్న వారూ ఈ పాలసీని తీసుకునేందుకు వీలుంది. కొన్ని తీవ్రమైన శస్త్రచికిత్సలు చేయించుకున్నవారికీ ఇది ఇస్తారు. ‘సాధారణంగా టర్మ్‌ పాలసీలు పూర్తి ఆరోగ్యంగా ఉన్నవారికే అందిస్తుంటారు. జీవనశైలి సంబంధిత వ్యాధులతో ఇబ్బంది పడుతున్న ప్రజలను దృష్టిలో పెట్టుకొని, వారి కుటుంబ సభ్యులకు తగిన ఆర్థిక భరోసా కల్పించాలనే లక్ష్యంతో ఈ పాలసీని తీసుకొచ్చాం’అని ఐసీఐసీఐ ప్రుడెన్షియల్‌ లైఫ్‌ ఇన్సూరెన్స్‌ డిప్యూటీ మేనేజింగ్‌ డైరెక్టర్‌ పునీత్‌ నందా పేర్కొన్నారు. ఈ పాలసీకి ఒకేసారి ప్రీమియం చెల్లించే అవకాశం ఉంది. లేదా పాలసీ వ్యవధి మొత్తం చెల్లించవచ్చు. అనుకోకుండా పాలసీదారుడికి ఏదైనా జరిగితే.. కుటుంబ సభ్యులకు పాలసీ విలువను ఒకేసారి చెల్లించాలా? లేదా క్రమం తప్పకుండా ఇవ్వాలా? రెండు రకాలుగా పరిహారం అందించాలా అన్నది పాలసీదారుడు నిర్ణయించుకోవచ్చు.

Tags :

మరిన్ని

జిల్లా వార్తలు

వారెవ్వా! చదువు సుఖీభవ ఈ-నాడు మకరందం రయ్.. రయ్ సిరి విజేత ఈ తరం హాయ్! ఆహా హాయ్ బుజ్జీ స్థిరాస్తి రుచులు విహారి