జేఈఈ మెయిన్ సెషన్ -1 ప్రాథమిక కీ విడుదల.. రెస్పాన్స్ షీట్స్ కోసం క్లిక్ చేయండి

దిల్లీ: దేశంలోని ప్రతిష్ఠాత్మక విద్యా సంస్థల్లో ఇంజినీరింగ్‌ కోర్సుల్లో ప్రవేశాలకు నిర్వహించిన జేఈఈ మెయిన్‌ తొలి విడత పరీక్షల ప్రాథమిక ఆన్సర్‌ కీ(JEE Main 2024 Session-1 Answer Key) విడుదలైంది. జనవరి 24 నుంచి ఫిబ్రవరి 1వరకు ఈ పరీక్షలను నిర్వహించిన జాతీయ పరీక్షల సంస్థ (NTA) మంగళవారం రాత్రి ఈ కీని విడుదల చేసింది. ఈ పరీక్షకు సంబంధించిన ప్రాథమిక ఆన్సర్‌ కీలతో పాటు రెస్పాన్స్‌ షీట్‌లనూ అధికారిక వెబ్‌సైట్‌లో అప్‌లోడ్‌ చేసింది. ఈ కీపై అభ్యంతరాలు ఉంటే ప్రతి ప్రశ్నకు రూ.200 ఫీజుతో ఈ నెల 8 వరకు ఛాలెంజ్‌ చేసే వెసులుబాటును కల్పించింది. 8న రాత్రి 11 గంటలు దాటితే అభ్యంతరాలను స్వీకరించరు. ఒకవేళ అభ్యర్థులు లేవనెత్తిన సందేహాలు సరైనవే అయితే.. ఆన్సర్‌ కీని సవరించి తుది కీ విడుదల చేస్తారు. ఆ తర్వాత తుది ఫలితాలను ప్రకటిస్తారు. జనవరి 24 నుంచి ఫిబ్రవరి 1వరకు జరిగిన జేఈఈ మెయిన్‌ సెషన్‌-1 పరీక్షకు పరీక్ష 12,95,617మంది రిజిస్ట్రేషన్‌ చేసుకోగా.. 12,25,529మంది హాజరైన విషయం తెలిసిందే.

ప్రాథమిక కీ, రెస్పాన్స్ షీట్స్ కోసం క్లిక్ చేయండి