వ్యాయామం చేయడానికి వీలు పడటం లేదా.. నిల్చున్నా చాలు!
మధుమేహం, గుండెజబ్బుల వంటి జీవనశైలి జబ్బులను నివారించుకోవాలని అనుకుంటున్నారా? తగినంత వ్యాయామం చేయటానికి వీలు పడటం లేదని విచారిస్తున్నారా? కనీసం రోజులో నిల్చునే సమయాన్ని అయినా పెంచుకోండి.
మధుమేహం, గుండెజబ్బుల వంటి జీవనశైలి జబ్బులను నివారించుకోవాలని అనుకుంటున్నారా? తగినంత వ్యాయామం చేయటానికి వీలు పడటం లేదని విచారిస్తున్నారా? కనీసం రోజులో నిల్చునే సమయాన్ని అయినా పెంచుకోండి. నిల్చోవటం వల్ల కణాల్లో ఇన్సులిన్ను గ్రహించుకునే స్వభావం మెరుగవుతున్నట్టు తాజా అధ్యయనం పేర్కొంటోంది. మనం తీసుకునే ఆహారం శక్తిగా మారటంలో, రక్తంలో గ్లూకోజు మోతాదుల నియంత్రణలో ఇన్సులిన్ హార్మోన్ కీలక పాత్ర పోషిస్తుంది. అధిక బరువుతో దీని పనితీరు అస్తవ్యస్తం కావొచ్చు. ఇది ఇన్సులిన్ను గ్రహించుకునే సామర్థ్యం తగ్గేలా చేయొచ్చు. ఫలితంగా మధుమేహం, గుండెజబ్బుల ముప్పు పెరుగుతుంది. వీటి నివారణకు క్రమం తప్పకుండా వ్యాయామం చేయటం ఎంతగానో తోడ్పడుతుంది. అయితే ఎక్కువసేపు కదలకుండా కూర్చోవటం, కూర్చున్నప్పుడు మధ్యమధ్యలో లేవటం, నిల్చోవటం వంటి వాటి ప్రభావాల గురించి అంతగా తెలియదు. ఈ నేపథ్యంలో ఫిన్లాండ్లోని తుర్కు పెట్ సెంటర్, యూకేకే ఇన్స్టిట్యూట్ పరిశోధకులు వీటిపై అధ్యయనం చేశారు. వ్యాయామం లేదా కూర్చునే సమయం, శరీర సామర్థ్యం, అధిక బరువు వంటి వాటితో నిమిత్తం లేకుండానే నిల్చోవటం మూలంగా ఇన్సులిన్ గ్రాహక సామర్థ్యం ఇనుమడిస్తున్నట్టు గుర్తించారు. అందువల్ల ఎక్కువసేపు కదలకుండా కూర్చోవటం కన్నా అప్పుడప్పుడు నిల్చోవటం మేలని.. తగినంత వ్యాయామం చేయలేనివారికిది మరింత ముఖ్యమని పరిశోధకులు సూచిస్తున్నారు.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
బైక్పై స్టంట్లు.. ‘స్పైడర్ మ్యాన్’ను అరెస్ట్ చేసిన పోలీసులు!
-
మాల్దీవుల జలాల్లోకి.. మళ్లీ చైనా పరిశోధక నౌక
-
యుద్ధాలు ఆపాలంటే ఇదొక్కటే మార్గం: పూరి జగన్నాథ్
-
అలెన్ హెర్బల్ కంపెనీలో భారీ అగ్ని ప్రమాదం
-
వృద్ధురాలి స్ఫూర్తి.. ఆక్సిజన్ సపోర్ట్తోనే పోలింగ్ కేంద్రానికి!
-
లాభాల్లో మారుతీ రయ్ రయ్.. ఒక్కో షేరుపై రూ.125 డివిడెండ్