ఔషధాల వెల్లుల్లి!

లేత పసుపు రంగులో...  ఘాటుగా ఉండి వంటకాలకు రుచిని అందిస్తుంది వెల్లుల్లి. దాంతోపాటు బోలెడు ఆరోగ్య ప్రయోజనాలను కూడా. అవేంటో తెలుసుకుందామా.

* వెల్లుల్లి జీర్ణక్రియలో తోడ్పడుతుంది. పేగుల ఆరోగ్యాన్ని కాపాడుతుంది.

* చెడు కొలెస్ట్రాల్‌ను తగ్గించి గుండె జబ్బులు రాకుండా అడ్డుకుంటుంది. అధిక రక్తపోటును అదుపులో ఉంచుతుంది. అలాగే బరువు నియంత్రణలో ప్రముఖ పాత్ర పోషిస్తుంది.

* ఇన్సులిన్‌ ఉత్పత్తిని ప్రేరేపించి మధుమేహాన్ని అదుపులో ఉంచుతుంది.

* రోగనిరోధక శక్తిని పెంచుతుంది. తద్వారా రకరకాల ఇన్‌ఫెక్షన్లకు చెక్‌ పెడుతుంది. దగ్గు, జలుబులను దరి చేరనీయదు.

* వెల్లుల్లిలోని సమ్మేళనాలు కాలేయంలోని విషపదార్థాలను బయటకు పంపుతాయి.

* దీంట్లో మాంగనీస్‌, సెలీనియంలతోపాటు విటమిన్‌-బి6, సి ఉంటాయి. పీచూ తగిన మొత్తంలో ఉంటుంది.

* వెల్లుల్లిలోని యాంటీఆక్సిడెంట్లు అల్జీమర్స్‌, డిమెన్షియా లాంటి అనారోగ్యాలను అడ్డుకుంటాయి.

* మూత్ర సంబంధ ఇన్‌ఫెక్షన్లను నిర్మూలిస్తుంది.

* తేనెలో కొన్ని చుక్కల వెల్లుల్లి రసం కలిపి తీసుకుంటే కడుపులోని నులిపురుగులు చనిపోతాయి.