అరికాళ్ల మంటలా..

చురుగ్గా లేకపోవడం, వ్యాధినిరోధక శక్తి లోపించడం.. అరికాళ్లు మంటగా అనిపించడం ఇవన్నీ బి12 విటమిన్‌ లోపించినప్పుడు కనిపించే లక్షణాలు. అందుకే బి12ని సమృద్ధిగా అందించే ఆహారం గురించి తెలుసుకుందాం..  

* మటన్‌ లేదా చికెన్‌ తెచ్చినప్పుడు అందులో లివర్‌ కనిపిస్తే కొంతమందికి నచ్చదు. తీసి పక్కన పెట్టేస్తుంటారు. కానీ లివర్‌.. ముఖ్యంగా మటన్‌లోని లివర్‌ మన రోజువారీ అవసరాలకు సరిపడే బి12ని అందిస్తుంది.
* చిరుధాన్యాలన్నింటినీ  కలిపి చేసిన గ్రనోలాబార్లు మనకు తేలిగ్గానే దొరుకుతాయి. వారంలో ఒకటి రెండు సార్లు తిన్నారంటే... శరీరానికి కావల్సిన పీˆచుతో పాటు బి12 లోపం రాకుండా ఉంటుంది.
* పాలు, పెరుగు, చీజ్‌ అన్నింటి నుంచీ ఈ కీలకమైన విటమిన్‌ అందుతుంది. ఒక  చీజ్‌ స్లైస్‌ నుంచి మన రోజువారీ అవసరాలకు కావాల్సిన 28 శాతం బి12 అందుతుంది.
* రోజులో రెండు గుడ్లు తింటే ఈ విటమిన్‌ లోపానికి చెక్‌ పెట్టొచ్చు. వాస్తవానికి తెల్లసొనలో కన్నా... పచ్చసొనలో ఎక్కువగా బి12 ఉంటుంది. గుడ్డుని మొత్తంగా తినడం వల్లనే ఎక్కువ ప్రయోజనాలు ఉంటాయని అధ్యయనాలు చెబుతున్నాయి.
వారంలో రెండు లేదా మూడుసార్లు చేపల్ని తింటే శరీరానికి కావాల్సిన ఒమెగా ఆమ్లాలతోపాటు.. ఈ విటమిన్‌ కూడా అందుతుంది.