చారిత్రక సంపదపై నిర్లక్ష్యం

ఎన్టీఆర్‌ జిల్లా జగ్గయ్యపేటలోని దనంబోడులో ఉన్న బుద్ధుడి కాలం నాటి ఆనవాళ్లు, బౌద్ధ స్తూపం పరిరక్షణ ప్రశ్నార్థకంగా మారింది. మూడేళ్లుగా వీటిని పట్టించుకున్న వారే లేరు. పిచ్చిమొక్కలతో ఆ ప్రాంతం అధ్వానంగా తయారైంది. స్తూపంపై ఉన్న మట్టి వర్షాలకు కరిగి చుట్టూ ఉన్న పాలరాతి శిల్పాలు రంగు మారి రూపు కోల్పోతున్నాయి. ఆకతాయిలు స్తూపాలపై వ్యక్తుల పేర్లు చెక్కుతున్నారు. లోపలికి ప్రవేశించి మద్యం సేవించడం, పేకాట ఆడుతున్న ఆనవాళ్లు కనిపిస్తున్నాయి. చారిత్రక సంపదను పరిరక్షించాల్సిన పురావస్తు శాఖ అధికారులు పట్టించుకోవడంలేదు.

- ఈనాడు, అమరావతి