YSRCP: సచివాలయమా? వైకాపా కార్యాలయమా?

పెనుకొండ పట్టణం, న్యూస్‌టుడే: వైకాపా ప్రభుత్వంలో పార్టీ, ప్రభుత్వ కార్యక్రమాలకు తేడా ఏమీ ఉండటం లేదు. ముఖ్యంగా ఇటీవల చేపట్టిన ‘ఏపీకి జగన్‌ ఎందుకు కావాలి’ అనే కార్యక్రమంలో ప్రభుత్వ అధికారులూ పాల్గొంటున్నారు. బుధవారం శ్రీసత్యసాయి జిల్లా పెనుగొండలోని అయిదో వార్డు సచివాలయంలో ఒక అడుగు ముందుకేసి ఏకంగా సచివాలయ ఆవరణలో పార్టీ జెండా ఎగురవేశారు. నగర పంచాయతీ ఛైర్మన్‌ ఉమర్‌ఫరూక్‌ఖాన్‌ జెండా ఎగురవేసి, అదే భవనంలో సంక్షేమ పథకాలకు సంబంధించిన ప్రచార బోర్డులు ఆవిష్కరించారు. ఇందులో వాలంటీర్లూ పాల్గొన్నారు. ఇది చూసిన స్థానికులు అసలు అది ప్రభుత్వ కార్యాలయమా..? వైకాపా ఆఫీసా అని చర్చించుకున్నారు.