Maruti Suzuki: సోనిపత్‌లో మారుతీ కొత్తప్లాంట్‌కు గ్రీన్‌సిగ్నల్‌

ఇంటర్నెట్‌డెస్క్‌: హరియాణలోని సోనిపత్‌ వద్ద మారుతీసుజుకీ కొత్త ప్లాంట్‌ ఏర్పాటు చేయనుంది. ఈ విషయాన్ని ఆ రాష్ట్ర ముఖ్యమంత్రి మనోహర్‌ లాల్‌ ఖట్టర్‌ పేర్కొన్నారు. ఖర్‌కొండ ప్రాంతంలోని 900 ఎకరాల విస్తీర్ణంలో దీనిని ఏర్పాటు చేయనున్నారు.  ఈ ప్లాంట్‌కు సంబంధించిన అన్ని క్లియర్సెన్‌లను ఇచ్చినట్లు ఖట్టర్‌ వెల్లడించారు. భారత్‌లో ఆటో మొబైల్‌ రంగం వేగంగా ఎదిగేందుకు మారుతీ కొత్త ప్లాంట్‌ దోహదం చేస్తుందని పేర్కొన్నారు. స్టేట్‌ గూడ్స్‌ అండ్‌ సర్వీసెస్‌ 15ఏళ్లపాటు రీఎంబర్స్‌మెంట్‌ చేసేందుకు ప్రభుత్వం అంగీకరించింది. 

పానిపట్‌లో గ్రాసిమ్‌ ప్లాంట్‌

హరియాణలోని పానిపత్‌లో గ్రాసిమ్‌ పెయింట్స్‌ సరికొత్త ప్లాంట్‌ ఏర్పాటు చేయనుంది. తొలుత ఈ ప్లాంట్‌ను రోహ్‌తక్‌లో ఏర్పాటు చేయాలని భావించినా.. అనివార్య కారణాలతో పానిపత్‌కు మళ్లించారు. మొత్తం 70 ఎకరాల్లో దీనిని ఏర్పాటు చేయనున్నారు.