Gold Loans: ఎలాంటి అవసరాలకు బంగారు రుణాన్ని ఉపయోగించుకోవచ్చు?
మీ ఆర్థిక అవసరాలను తీర్చగల అనేక విభిన్న రుణ ఎంపికలు మార్కెట్లో ఉన్నప్పటికీ బంగారంపై రుణం తీసుకోవడమన్నది సురక్షితం. ఈ రుణాలకు వడ్డీ తక్కువ ఉండడమే కాకుండా వేగంగానూ లభిస్తుంది.
ఇంటర్నెట్ డెస్క్: భారత్లో బంగారానికి ఉన్న ప్రాముఖ్యత అంతా ఇంతా కాదు. ఆభరణంగానే కాకుండా.. కష్ట సమయాల్లో మనుషులకు సరైన ఆర్థిక మార్గం కూడా చూపెడుతుంది. ప్రణాళికబద్ధంగా జీవించేవారు సైతం ఆర్థికంగా ఎంత ప్లాన్ చేసుకున్నా ఒక్కోసారి అప్పు తీసుకోవాల్సిన పరిస్థితి ఏర్పడుతుంది. అటువంటి పరిస్థితుల్లో ఆర్థిక అవసరాలు తీర్చగల గొప్ప సాధనం బంగారం. అత్యవసర అవసరాల కోసం.. వ్యక్తిగత ఆర్థిక అవసరాల కోసమే కాకుండా ఇంకా అనేక అవసరాల కోసం తక్కువ వడ్డీ రేట్లతో బంగారంపై రుణాన్ని తీసుకోవచ్చు. ఈ రుణాలు సురక్షిత రుణాలు కాబట్టి, వేగంగా మంజురై.. నిర్దిష్ట ఆర్థిక అవసరాలను తీరుస్తాయి. బంగారు రుణాన్ని ఆఫ్లైన్/ఆన్లైన్లో ఎప్పుడైనా, ఎక్కడి నుంచైనా దరఖాస్తు చేసుకోవచ్చు. రుణ మంజూరుకు డాక్యుమెంట్స్ అవసరం కూడా చాలా తక్కువ. ఈ రుణాన్ని ఏయే అవసరాల కోసం ఉపయోగించుకోవచ్చో ఇక్కడ చూద్దాం..
వ్యక్తిగత రుణం, ఊహించని ఖర్చులు
ప్రతి ఒక్కరికీ వ్యక్తిగత అవసరాలు చాలానే ఉంటాయి. వారి ఆర్థిక బాధ్యతలకు సరిపడా ఆదాయం లేనప్పుడు వ్యక్తిగత రుణం తీసుకోవడం తప్పదు. కానీ, వారికుండే వ్యక్తిగత ఇబ్బందులు, క్రెడిట్ ప్రొఫైల్ రీత్యా రుణం లభించకపోవచ్చు. రుణ సంస్థలు కూడా అనేక కారణాల వల్ల ఒక్కోసారి రుణాన్ని ఇవ్వకపోవచ్చు. ఇటువంటి వారికి బంగారు రుణం ఒక వారధిగా పనిచేసి, తక్షణ అవసరాలు వెంటనే తీరేలాగా చేస్తుంది. జీవితం అనూహ్యమైంది..ఏ సమయంలోనైనా, ఎవరికైనా ఊహించని ఖర్చులు తలెత్తవచ్చు. ఇటువంటి సమయాల్లో బంగారాన్ని కలిగి ఉంటే, దానిపై రుణం తీసుకుని తక్షణ ఆర్థిక ఉపశమనం పొందొచ్చు.
వైద్య ఖర్చులు
కొన్నిసార్లు అత్యవసరంగా అనారోగ్య పరిస్థితులు కుటుంబ సభ్యులకు ఎవరికైనా ఏర్పడవచ్చు. తగిన ఆరోగ్య బీమా ఉంటే పర్వాలేదు. లేని సందర్భంలో ఆసుపత్రుల బిల్లులు చెల్లించడానికి తగినంత డబ్బులు చాలా మంది వద్ద ఉండకపోవచ్చు. అప్పు కూడా కొద్ది సమయంలో దొరకని పరిస్థితులు ఉండొచ్చు. అలాంటి పరిస్థితుల్లో బంగారంపై రుణాన్ని తీసుకుని అనారోగ్య పరిస్థితుల నుంచి గట్టెక్కవచ్చు. వ్యక్తులకు ఆలస్యం కాకుండా అవసరమైన వైద్య సంరక్షణను పొందేలా ఈ రుణం ఉపయోగపడుతుంది.
వ్యాపార అభివృద్ధి
ఉద్యోగాలు చేసేవారితో పోలిస్తే, వ్యాపారాలు చేసేవారికి నగదు అవసరాలు భారీగానే ఉంటాయి. అటువంటి పరిస్థితుల్లో వ్యాపారవేత్తలు తక్కువ సమయంలో తమ వ్యాపార అభివృద్ధి కోసం నిధులకు అనేక మార్గాల్లో ప్రయత్నిస్తారు. వడ్డీ వ్యాపారుల వద్ద నిధులు లభించినా.. వడ్డీ రేట్లు చాలా ఎక్కువ ఉంటాయి. ఇటువంటి పరిస్థితుల్లో రుణం ఆశించేవారు బంగారంపై రుణాన్ని పొందడం ఒక మంచి ఆప్షన్గా చెప్పవచ్చు. కొన్నిసార్లు, కొత్త వ్యాపారాన్ని ప్రారంభించడానికి తగినంత నగదు ఉండకపోవచ్చు. ఉదాహరణకు.. కిరాణా దుకాణం, పార్లర్, బోటిక్, జిమ్, కేఫ్, సెకండ్హాండ్ వాహన డీలర్షిప్ కావచ్చు. ఇంట్లోనే వ్యాపారాన్ని ప్రారంభించే నైపుణ్యాలు ఉన్నప్పటికీ మూలధనం లేని మహిళల విషయంలో ఇది తరచుగా జరుగుతుంది. ఇటువంటివారు బంగారంపై రుణాన్ని తీసుకోవడం మంచిది. తక్కువ వడ్డీతో రుణాన్ని తీసుకుని వ్యాపారంలో మెరుగైన ఆర్థిక లబ్ధిని పొందొచ్చు.
విద్యా ఖర్చులు
గతంతో పోలిస్తే విద్యకు ప్రతి కుటుంబం ఎంతో ప్రాధాన్యం ఇస్తోంది. విద్యపై పెట్టుబడి అంటే భవిష్యత్పై పెట్టుబడి పెట్టడమే. ట్యూషన్ ఫీజులు, స్టడీ మెటీరియల్స్ మొదలగు వాటికి నిధులు చాలా అవసరం. ప్రస్తుతం ప్రతి విద్యా కోర్సు ఖర్చుతో ముడిపడి ఉన్నదే. కొన్నిసార్లు..తగిన గ్యారెంటర్, మంచి క్రెడిట్ ప్రొఫైల్ లేకపోవడం వంటి వివిధ కారణాల వల్ల రుణం ఆశించేవారికి విద్యా రుణాలు అందుబాటులో ఉండకపోవచ్చు. ఇటువంటి వారు బంగారంపై రుణాన్ని తీసుకోవడం సరైనదే. ఈ రుణంపై అనేక అనువైన రీపేమెంట్ ఎంపికలు ఉన్నాయి.
వివాహం
భారత్లో వివాహం అంటేనే చాలా ఖర్చుతో ముడిపడి ఉన్నది. ప్రత్యేకించి వివాహా ఖర్చులకు అన్ని వర్గాలకు రుణసంస్థలు రుణం ఇవ్వకపోవచ్చు. ముఖ్యంగా గ్రామీణ ప్రాంతాలవారికి ఇలాంటి బ్యాంకు రుణాలు లభించడం ఇబ్బందే. ఇలాంటి వారు బంగారాన్ని తాకట్టుగా పెట్టి తక్కువ వడ్డీకే రుణం తీసుకోవడం ఉత్తమం. తమకు ఇష్టమైన బంగారాన్ని తాకట్టుగా పెట్టి రుణం తీసుకుంటారు. కాబట్టి రుణాన్ని కూడా పరిమితంగా తీసుకుని వివాహ ఖర్చులు పొదుపుగా చేయడానికి అవకాశం ఉంటుంది.
ఇంటి పునరుద్ధరణ, ఆస్తి కొనుగోలు
ఇల్లు పాడయినప్పుడు, ముఖ్యమైన వేడుకలకు ఇంటి పునరుద్ధరణ అనేది ఎలాంటి కుటుంబానికైనా అవసరమే. ఇంటిని మెరుగ్గా ఉంచుకోవడానికి చాలామంది తమ ప్రయత్నాలు చేస్తుంటారు. కానీ, ఇలాంటి అవసరాలకు అందరికీ, అన్నివేళలా రుణాలు లభించవు. తమ పొదుపులు సరిపోనప్పుడు బంగారంపై రుణాన్ని తీసుకుని ఇంటి పునరుద్ధరణ చేసుకోవడం మంచిదే. కొన్నిసార్లు రియల్ ఎస్టేట్ ప్రాపర్టీలు సరసమైన ధరలకు లభించే అవకాశం ఉంటుంది. నగదు వెంటనే అవసరం అయినప్పుడు కొంత మంది తమ ఇతర ప్రాపర్టీలను అమ్మేస్తూ ఉంటారు. సమయం లేకపోవడం వల్ల తక్కువ ధరకే అమ్మాల్సి రావచ్చు. దీని బదులు బంగారం తాకట్టు పెట్టి బ్యాంకుల వద్ద రుణం తీసుకుని సరసమైన ధరకు ఆస్తులను కొనుగోలు చేయొచ్చు.
వ్యవసాయం
అనేక ఆర్థిక వ్యవస్థలకు వెన్నెముక అయిన వ్యవసాయానికి పెట్టుబడుల అవసరం కూడా ఎక్కువే. ముఖ్యంగా వ్యవసాయం చేసేవారికి ప్రతి నెలా ఆదాయం ఉండదు కాబట్టి, వ్యక్తిగత రుణం దొరకడం కష్టమే. అందుచేత, వ్యవసాయ పెట్టుబడులకు బంగారాన్ని తాకట్టు పెట్టి రుణం తీసుకోవడం మంచిదే. బంగారం తాకట్టు పెట్టినప్పుడు పొలానికి సంబంధించిన శిస్తు రశీదులు చూపిస్తే తక్కువ వడ్డీకి రుణం పొందే అవకాశం ఉంటుంది. రుణం తీర్చలేని కొన్ని ప్రత్యేక సందర్భాల్లో బ్యాంకులు రుణాన్ని రీషెడ్యూల్ కూడా చేస్తారు. రీషెడ్యూల్ చేయడం వల్ల, రుణాన్ని తీర్చడానికి తగిన సమయం కూడా ఉంటుంది.
వాహన కొనుగోలు
ప్రస్తుతం సొంత మోటారు బైక్ వాహనాన్ని సులభంగా నడపగలిగి ఉంటే అనేక ఇ-కామర్స్ సంస్థలు డెలివరీ బాయ్ ఉద్యోగాలను ఇస్తున్నాయి. ఇంకా చాలా సంస్థలు చిన్న గూడ్స్ వాహనాలు కలిగి ఉన్నవారికి వస్తువులు డెలివరీ చేసే అవకాశాన్ని ఇస్తున్నాయి. కానీ, మెరుగైన వాహనం పొందడానికి సొంత పూచికత్తుపై అందరికీ రుణం లభించక పోవచ్చు. కేవలం వాహనం విషయంలో రాజీపడి ఉపాధి పోగొట్టుకోవడం సరికాదు. కొద్దిగా బంగారం కలిగి ఉన్నా కూడా తాకట్టుతో బ్యాంకుల వద్ద రుణం తీసుకుని వాహనాన్ని కొనుగోలు చేయొచ్చు, సొంతంగా ఉపాధిని పొందొచ్చు.
చివరిగా: అత్యవసర సమయాల్లో ఎవరికైనా బంగారంపై రుణం తక్షణ ఆర్థిక సాయం లాంటిది. వారికిష్టమైన/విలువైన బంగారం కూడా బ్యాంకుల వద్ద భద్రంగా ఉంటుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దీర్ఘకాలంలో అధిక రాబడి
బజాజ్ ఫిన్సర్వ్ మ్యూచువల్ ఫండ్ ఒక కొత్త మ్యూచువల్ ఫండ్ పథకాన్ని తీసుకొచ్చింది. ‘బజాజ్ ఫిన్సర్వ్ మల్టీ అస్సెట్ అలకేషన్ ఫండ్’ అనే ఈ పథకం ఎన్ఎఫ్ఓ ఈ నెల 27వ తేదీ వరకూ అందుబాటులో ఉంటుంది. -
కార్పొరేట్ సంస్థలు, స్మాల్ ఫైనాన్స్ బ్యాంకుల ఎఫ్డీ రేట్లు ఇవే..
'AAA' రేటింగ్ ఉన్న కార్పొరేట్ సంస్థలు, స్మాల్ ఫైనాన్స్ బ్యాంకులు డిపాజిట్లపై ఆకర్షణీయమైన వడ్డీ రేట్లను ఇస్తున్నాయి. -
ఎఫ్డీ రేట్లు పెంచిన ఎస్బీఐ.. లేటెస్ట్ వడ్డీ రేట్లు ఇవే..
SBI hikes FD rates: స్టేట్ బ్యాంక్ ఆఫ్ ఇండియా వడ్డీ రేట్లను సవరించింది. కొత్త వడ్డీ రేట్లు మే 15 నుంచి అమల్లోకి వచ్చాయి. -
బ్యాంకింగ్ రంగంలో...
ఇండెక్స్ తరగతికి చెందిన ఓపెన్ ఎండెడ్ పథకాన్ని యాక్సిస్ మ్యూచువల్ ఫండ్ తీసుకొచ్చింది. యాక్సిస్ నిఫ్టీ బ్యాంక్ ఇండెక్స్ ఫండ్ అనే ఈ కొత్త పథకం ఎన్ఎఫ్ఓ ఈ నెల 17 వరకూ అందుబాటులో ఉంటుంది. -
కార్డు బిల్లు సెటిల్ చేశారా?
క్రెడిట్ కార్డు బిల్లును సకాలంలో చెల్లించాలి. అనివార్య పరిస్థితుల్లో బిల్లును సెటిల్మెంట్ చేసుకోవాల్సి వస్తే? అది కొంత మేరకు ఉపశమనం కలిగించవచ్చు. -
ద్విచక్ర వాహనాల రుణాలపై బ్యాంకులు వసూలుచేసే వడ్డీ రేట్లు ఇవే..
ద్విచక్ర వాహనాలు కొనుగోలు చేయడానికి వివిధ బ్యాంకులు, ఎన్బీఎఫ్సీలు రుణాలిస్తున్నాయి. ఈ రుణాలపై రుణసంస్థలు వసూలుచేసే వడ్డీ రేట్లు, ప్రాసెసింగ్ ఫీజులు ఎంత ఉన్నాయో ఇక్కడ తెలుసుకోండి. -
అప్పు చేసి ఇల్లు కొంటున్నారా?
సొంతిల్లు.. ప్రతి ఒక్కరి కల. దీన్ని నిజం చేసుకునే క్రమంలో గృహరుణం తీసుకుంటాం. తొలిసారి ఇల్లు కొనుగోలు చేస్తున్నవారూ.. ఇప్పటికే ఉన్నదాన్ని మార్చి, పెద్దది తీసుకోవాలనుకున్నా. -
క్రెడిట్ కార్డు.. ఇలా తీసుకుందాం
క్రెడిట్ కార్డులు మన రోజువారీ ఆర్థిక లావాదేవీల్లో ఒక భాగం అయ్యాయి. ఇప్పుడు యూపీఐ ఆధారిత చెల్లింపుల కోసమూ వీటిని ఉపయోగించుకునేందుకు వీలవుతోంది. -
క్రెడిట్ కార్డు రుణం ఎప్పుడు తీసుకోవడం మేలు?
అత్యవసర పరిస్థితిల్లో క్రెడిట్ కార్డు మెరుగైన ఆర్థిక రక్షణ ఇస్తుంది. ఎలాంటి ఇబ్బందులు ఎదురైనప్పుడు క్రెడిట్ కార్డు ఉపయోగించి తాత్కాలికంగా ఆర్థిక రక్షణ పొందొచ్చో ఇక్కడ చూద్దాం. -
ఎస్బీఐ కార్డు నుంచి 3 ట్రావెల్ క్రెడిట్ కార్డులు.. ప్రయోజనాలివే..!
SBI Credit Card: ఎస్బీఐ కార్డు విమాన ప్రయాణికుల కోసం మూడు ప్రత్యేక క్రెడిట్ కార్డులను తీసుకొచ్చింది. వాటిలోని ప్రయోజనాలు, ఫీజుల వివరాలు ఎలా ఉన్నాయో చూద్దాం..! -
ఉత్పత్తి రంగంలో మదుపు
దేశీయ వినియోగం, ఎగుమతులు పెరుగుతున్న నేపథ్యంలో మన దేశంలో ఉత్పత్తి రంగం గతంలో ఎన్నడూ లేనంత అధిక వృద్ధిని నమోదు చేయబోతోంది. -
ప్రయాణంలో తోడుగా..
ప్రయాణాలు చేసే వారికి ఉపయోగపడేలా ఎస్బీఐ కార్డ్ కొత్త క్రెడిట్ కార్డును తీసుకొచ్చింది. ఎస్బీఐ కార్డ్ మైల్స్ ఎలైట్, ఎస్బీఐ కార్డ్ మైల్స్ ప్రైమ్, ఎస్బీఐ కార్డ్ మైల్స్ పేర్లతో మూడు రకాలుగా అందిస్తోంది. -
ఐసీఐసీఐ, యెస్ బ్యాంక్లో మే 1 నుంచి కొత్త సర్వీస్ ఛార్జీలు!
Bank charges: సేవింగ్స్ ఖాతాకు సంబంధించిన పలు సేవలపై విధించే ఛార్జీలను ఐసీఐసీఐ, యెస్ బ్యాంకులు సవరించాయి. మే 1 నుంచి ఇవి అమల్లోకి రానున్నాయి. -
ఆర్డీలపై వివిధ బ్యాంకులు ఆఫర్ చేసే వడ్డీ రేట్లు ఇవే..
దేశంలో దాదాపు అన్ని బ్యాంకులు రికరింగ్ డిపాజిట్ అందిస్తున్నాయి. ఈ ఆర్డీలపై వివిధ బ్యాంకుల్లో వడ్డీ రేట్లు ఎంతెంత ఉన్నాయో ఇక్కడ చూడండి. -
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి.
తాజా వార్తలు (Latest News)
-
ఒకప్పుడు న్యాయం కోసం వీధుల్లోకి వచ్చాం.. ఇప్పుడు?.. ఆప్ నిరసనపై మాలీవాల్
-
కర్నూలులో చెరువు వద్ద ముగ్గురు ట్రాన్స్జెండర్ల అనుమానాస్పద మృతి
-
ఆకాశంలో రాకాసి ఉల్క.. రాత్రిని పగలుగా మార్చేంత వెలుగు..!
-
18 ఏళ్ల ‘గోదావరి’.. సుమంత్కు ముందు అనుకున్న హీరోలేవంటే?
-
లీగ్ స్టేజ్లో చివరి రోజు.. ‘నంబర్ 2’ ఎవరిది..?
-
జగన్ ప్రభుత్వ కక్ష సాధింపులు.. ఏబీవీకి ప్రజల నుంచి విశేష మద్దతు