UTSAV Deposit: ఎస్‌బీఐ ఖాతాదారులకు అలర్ట్‌.. రేపే లాస్ట్‌ డేట్‌!

ఇంటర్నెట్‌డెస్క్‌: దేశానికి స్వాతంత్య్రం వచ్చి 75 ఏళ్లు పూర్తయిన సందర్భంగా ఎస్‌బీఐ ‘ఉత్సవ్‌ డిపాజిట్‌’ పేరిట తీసుకొచ్చిన ప్రత్యేక ఫిక్స్‌డ్‌ డిపాజిట్‌ స్కీం గడువు అక్టోబరు 28తో ముగియనుంది. తక్కువ కాలవ్యవధికి ఎక్కువ వడ్డీరేటుతో అధిక ఆదాయం పొందాలనుకునేవారికి ఇది ఓ సురక్షితమైన మదుపు మార్గమని బ్యాంకు అధికారులు తెలిపారు. సాధారణ ఎఫ్‌డీలతో పోలిస్తే దీంట్లో అధిక వడ్డీరేటును అందజేస్తున్నామన్నారు. ఇతర ప్రయోజనాలు కూడా ఉన్న నేపథ్యంలో ఖాతాదారులు ఈ స్కీంను సద్వినియోగం చేసుకోవాలని కోరారు. ఆగస్టు 15న ప్రారంభమైన ఈ స్కీంను 75 రోజుల పాటు కొనసాగి రేపటితో ముగియనుంది.

ఫీచర్లు, ప్రయోజనాలు..

• ఈ డిపాజిట్‌ కాలపరిమితి 1000 రోజులు
• బ్యాంకు 6.10శాతం వడ్డీ ఇస్తుంది.
• సీనియర్‌ సిటిజన్లకు మరో 0.50శాతం అధిక వడ్డీ లభిస్తుంది.
• ఎన్‌ఆర్‌ఓతో పాటు అన్ని దేశీయ టర్మ్‌ డిపాజిట్లను ఉత్సవ్‌ డిపాజిట్‌ కిందకు మార్చుకోవచ్చు. కొత్త డిపాజిట్లతో పాటు పునరుద్ధరించే పాత డిపాజిట్లకు కూడా ఈ స్కీం వర్తిస్తుంది. అయితే, స్టాఫ్‌, సీనియర్‌ సిటిజన్ల ఎన్‌ఆర్‌ఓ డిపాజిట్లకు మాత్రం ఈ సదుపాయం లేదు.
• మనం ఎంచుకున్న దాన్ని బట్టి నెల, మూడు నెలలు, ఆరు నెలలకు ఒకసారి వడ్డీ ఆదాయం మన ఖాతాలో జమవుతుంది.
• ఆదాయ పన్ను నిబంధన ప్రకారం టీడీఎస్‌ వర్తిస్తుంది.
• సాధారణ డిపాజిట్లకు వర్తించే నిబంధనలే ఉత్సవ్‌ డిపాజిట్‌ ముందస్తు ఉపసంహరణకూ అమలవుతాయి.
• ఈ డిపాజిట్‌పై రుణ సౌకర్యం కూడా ఉంది.
• బ్యాంకు శాఖలు, ఇంటర్నెట్‌ బ్యాంకింగ్‌, యోనో యాప్‌ ద్వారా డిపాజిట్‌ను చేయొచ్చు.
• ఎన్‌ఆర్‌ఈ డిపాజిట్లకు ఈ స్కీం వర్తించదు.

సాధారణ రిటైల్‌ డిపాజిట్లపై ఎస్‌బీఐ అందిస్తున్న వడ్డీరేటు వివరాలు..