Teenmaar Mallanna: తీన్మార్‌ మల్లన్న సహా అయిదుగురిపై కేసు

ఎడపల్లి, న్యూస్‌టుడే: నిజామాబాద్‌ జిల్లా జానకంపేటకు చెందిన కల్లు ముస్తేదారు(విక్రయదారుడు) జయవర్ధన్‌గౌడ్‌ను డబ్బులు ఇవ్వాలంటూ బెదిరిస్తున్న అయిదుగురిపై కేసు నమోదు చేసినట్లు బోధన్‌ ఏసీపీ రామారావు తెలిపారు. ఏసీపీ తెలిపిన వివరాల ప్రకారం.. డబ్బులు ఇవ్వాలంటూ జానకంపేటకు చెందిన జయవర్ధన్‌గౌడ్‌ను అదే గ్రామానికి చెందిన సంతోష్‌, రాధాకిషన్‌గౌడ్‌, సాయాగౌడ్‌, రాజుగౌడ్‌ అనే వ్యక్తులు  చింతపండు నవీన్‌ అలియాస్‌ తీన్మార్‌ మల్లన్నతో కలిసి కొన్ని రోజుల కిందట బెదిరించారు. జయవర్ధన్‌గౌడ్‌ భయపడి గత ఆగస్టులో రూ.5 లక్షలు ఇచ్చారు. తీన్మార్‌ మల్లన్న పాదయాత్ర ఉందని, మరో రూ.15 లక్షలు ఇవ్వాలని డిమాండు చేశారు. దీంతో బాధితుడు గత గురువారం ఆ అయిదుగురిపై ఫిర్యాదు చేశారు. అందులో సంతోష్‌ను అరెస్టు చేసి రిమాండుకు తరలించామని, మిగిలిన వారిని త్వరలోనే అరెస్టు చేస్తామని ఏసీపీ శనివారం తెలిపారు.