భారీ సీతాకోక చిలుక

- న్యూస్‌టుడే, మారేడుమిల్లి

మారేడుమిల్లి మండలంలోని వాలమూరు వద్ద గల జంగిల్‌స్టార్‌ నేచర్‌క్యాంపు పరిసరాల్లో అరుదైన సీతాకోకచిలుకలు కనువిందు చేస్తున్నాయి. సాధారణంగా 6 నుంచి 8 సెంటీమీటర్ల వెడల్పుతో ఉంటాయి. అయితే ఇక్కడ సుమారు 14 సెంటీమీటర్ల వెడల్పుతో పసుపు వర్ణంలో, రెక్కలపై నల్లటి మచ్చలతో ఓ సీతాకోకచిలుక సోమవారం కనిపించింది. దీన్ని పలువురు ఆసక్తిగా చూశారు. దీనిపై జంగిల్‌స్టార్‌ నేచర్‌ క్యాంపు సమన్వయకర్త ఆమర్తి వీరబాబు ‘న్యూస్‌టుడే’తో మాట్లాడుతూ ఈ సీతాకోకచిలుక ఆర్థోపొడా జాతి, లిపిడోప్తెరా తరగతికి చెందిందని తెలిపారు. దట్టమైన అడవులు విస్తరించి ఉన్న చోట్ల ఇవి కనిపిస్తుంటాయని చెప్పారు.