‘ఆధారాలు లేకుండా సరెండర్‌ చేస్తారా?’

ఆవేదన వ్యక్తం చేస్తున్న వెలుగు సీసీలు

రంపచోడవరం, న్యూస్‌టుడే: విధినిర్వహణలో ఎంతో శ్రమించి ఉద్యోగాలు చేస్తున్న తమను ఏపీఎంలు ఎటువంటి ఆధారాలు లేకుండా రంపచోడవరం వెలుగు ఏపీడీ కార్యాలయానికి సరెండర్‌ చేయడం దారుణమని వెలుగు సీసీలు లింగమ్మ, చిలకమ్మ, హేమలత, శ్రీనివాసరావు ఆవేదన వ్యక్తం చేశారు. బుధవారం తమకు జరిగిన అన్యాయంపై రంపచోడవరంలో వారు విలేకరులతో మాట్లాడారు. డివిజన్‌ ఏడు మండలాల్లో 39 మంది మండల సమాఖ్య సీసీలుగా పని చేస్తున్నామన్నారు. దేవీపట్నం, అడ్డతీగల మండలాల్లో పని చేస్తున్న ఏపీఎంలు ఎటువంటి ఆధారాలు చూపించకుండా తమను సరెండర్‌ చేయించడం అన్యాయమని ఆవేదన వ్యక్తంచేశారు. దీనిపై రంపచోడవరం వెలుగు ఏపీడీ శ్రీనివాసరావును, హెచ్‌ఆర్‌ రాధా అపర్ణను ప్రశ్నించగా, ఈ నెల 15న విధుల్లో తీసుకొంటామని చెప్పారని తెలిపారు. ఇప్పటివరకు తమను విధుల్లోకి తీసుకోలేదని వాపోయారు.