దుర్గగుడి హుండీ ఆదాయం రూ.3.78 కోట్లు

ఇంద్రకీలాద్రి, న్యూస్‌టుడే: శ్రీదుర్గామల్లేశ్వర స్వామి వార్ల దేవస్థానం హుండీల్లో 25 రోజులకు భక్తులు సమర్పించిన కానుకలను మల్లికార్జున మహా మండపం ఆరో అంతస్తులో బుధవారం లెక్కించగా.. రూ.3,78,72,537 ఆదాయం వచ్చింది. 900 గ్రాముల బంగారం, 7.820 కిలోల వెండి వస్తువులను మొక్కుల రూపంలో చెల్లించుకున్నారు. 3833 యూఎస్‌ఏ, 30 ఆస్ట్రేలియా, 138 సింగపూర్‌ డాలర్లు, 20 యూకే పౌండ్లు, 135 యూరోలు భక్తులు కానుకల రూపంలో సమర్పించారు. దుర్గమ్మను నేరుగా దర్శించుకోలేని భక్తులు ఆన్‌లైన్లో ఇ-హుండీ ద్వారా రూ.1,22,800 సమర్పించినట్లు ఈవో రామారావు తెలిపారు. లెక్కింపును వన్‌టౌన్‌ పోలీసులు, దేవాదాయ శాఖ అధికారులు పర్యవేక్షించారు.