కోడ్‌ ఉల్లంఘిస్తున్నా.. చర్యలు సున్నా

అనంత నగరపాలక, న్యూస్‌టుడే: ఉద్యోగులు యథేచ్ఛగా వైకాపా ప్రచారంలో పాల్గొంటున్నా అధికారులకు కన్పించడం లేదు. కోడ్‌ ఉల్లంఘించే వారిపై పరిశీలించి సొంతంగా చర్యలు తీసుకోవడానికి భయపడే పరిస్థితి ఉంది. మంగళవారం 50వ డివిజన్‌లో వైకాపా ఎమ్మెల్యే అనంత వెంకటరామిరెడ్డి చేపట్టిన ప్రచారంలో నగరపాలకలో పని చేసే పారిశుద్ధ్య కార్మికుడు అనిల్‌ పాల్గొన్నారు.  రెండ్రోజుల ముందు పారిశుద్ధ్య కార్మికురాలు పెద్దక్క వైకాపా కండువా కప్పుకొన్నారు. సోమవారం ఎమ్మెల్యే అనంత వెంకటరామిరెడ్డి నామినేషన్‌ సందర్భంగా వాలంటీర్లు జ్యోతి, పెన్నోబులేశు, రాజు, సాకే భాగ్యశ్రీ, రషీద్‌, మరో మహిళ వైకాపా ప్రచారంలో పాల్గొన్నారు.