గండం తప్పినట్లేనా..?

కెరటాల ధాటికి ధ్వంసమైన ఉప్పాడ-కాకినాడ బీచ్‌ రోడ్డు

కాకినాడ కలెక్టరేట్, రాజమహేంద్రవరం నగరం, యు.కొత్తపల్లి:  జవాద్‌ తుపాను ఒడిశా వైపు కదలడంతో జిల్లాకు ప్రమాదం ఉండదని అంచనా వేస్తున్నారు. శనివారం ఎలాంటి ప్రభావం లేకపోవడంతో ఊపిరి పీల్చుకున్నారు. నీ కాకినాడ-ఉప్పాడ బీచ్‌రోడ్డు వెంట సముద్ర అలలు రహదారిపైకి వచ్చాయి. తీరంలో సముద్రం అలజడిగా ఉంది. తుపాను హెచ్చరికలు ఉపసంహరించ లేదని,  అప్రమత్తత కొనసాగుతుందని డీఆర్వో సత్తిబాబు తెలిపారు. తుపాను వీడే వరకు వరి కోతలు కోయవద్దని వ్యవసాయశాఖ తెలిపింది. ్య హౌరా-విజయవాడ మార్గంలో పలు రైళ్లను తాత్కాలికంగా రద్దు చేశారు. వివరాలు తెలిపేందుకు రాజమహేంద్రవరం రైల్వేస్టేషనులో సహాయ కేంద్రాన్ని (0883-2420541) ఏర్పాటు చేశారు. ్య  జిల్లా మీదుగా రాకపోకలు సాగించే రైళ్లను ఇప్పటికే తాత్కాలికంగా రద్దు చేయగా.. ఈ  రద్దును మళ్లీ పొడిగించారు.