డ్రైవర్లు, క్లీనర్ల సమస్యలు పరిష్కరించాలి

మాట్లాడుతున్న వ్యవస్థాపక అధ్యక్షుడు ఏలేటి వాసు

సర్పవరం జంక్షన్‌: ఏళ్ల తరబడి పరిష్కారానికి నోచుకోని ఏపీ, తెలంగాణ రాష్ట్రాల లారీ డ్రైవర్లు, క్లీనర్లు సమస్యలను వెంటనే ఆయా రాష్ట్ర ప్రభుత్వాలు పరిష్కరించాలని తెలుగు రాష్ట్రాల లారీ డ్రైవర్లు, కీనర్లు వెల్ఫేర్‌ అసోసియేషన్‌ వ్యవస్థాపక అధ్యక్షుడు ఏలేటి వాసు విజ్ఞప్తి చేశారు. కాకినాడ గ్రామీణం తిమ్మాపురంలో గురువారం జరిగిన రెండు రాష్ట్రాల కమిటీ ప్రతినిధుల ఐక్య సమావేశంలో ఆయన మాట్లాడారు. లారీ డ్రైవర్లకు ప్రభుత్వం గుర్తింపునివ్వాలని, డ్రైవింగ్‌ లైసెన్స్‌ ఆధారంగా రూ.10 లక్షలు బీమా, హెల్త్‌ కార్డుల సౌకర్యం కల్పించాలన్నారు. తాతారావు, కిశోర్‌, ప్రతినిధులు హాజరయ్యారు.