పవన్‌ కల్యాణ్‌ను అసెంబ్లీకి పంపిద్దాం

ముద్రగడ కుమార్తె క్రాంతి

జనసేనానితో మాట్లాడుతున్న క్రాంతి, ఆమె భర్త

ఈనాడు, రాజమహేంద్రవరం: జనసేన అధినేత పవన్‌కల్యాణ్‌పై తన తండ్రి ముద్రగడ పద్మనాభం విమర్శలు చేయడాన్ని ఖండించిన ఆయన కుమార్తె బార్లపూడి క్రాంతి తాజాగా మరో వీడియో సందేశం విడుదల చేశారు. ఒక పార్టీ అధ్యక్షుడు పోటీ చేసే నియోజకవర్గం కచ్చితంగా అభివృద్ధి చెందుతుందన్నారు. పవన్‌కల్యాణ్‌ కాకినాడ జిల్లా పిఠాపురం నుంచి పోటీ చేయడం మన అదృష్టమని పేర్కొన్నారు. పవన్‌ సారథ్యంలో నియోజకవర్గంలో అభివృద్ధి జరుగుతుందనే నమ్మకం తనకు ఉందన్నారు. దశాబ్దకాలంగా సొంత డబ్బులతో పార్టీ నడిపిస్తూ ఎంతో మందికి ఆయన అండగా నిలిచారన్నారు. ఏ అధికారం లేకపోయినా అనేక సమస్యలపై స్పందించిన ఆయన్ను, అసెంబ్లీకి పంపిస్తే ఎలా ఉంటుందో ఊహించాలని ప్రజలకు సూచించారు. పాజిటివ్‌ పాలిటిక్స్‌ చేసే జనసేన అధినేత పవన్‌కల్యాణ్‌కు అంతా అండగా నిలిచి భారీ మెజార్టీతో అసెంబ్లీకి పంపిద్దామని కోరారు.