ఘనంగా గోదా రంగనాయకుల కల్యాణం

వేములవాడ గ్రామీణం, న్యూస్‌టుడే: ప్రసిద్ధ పుణ్యక్షేత్రమైన వేములవాడలోని శ్రీరాజరాజేశ్వరస్వామి అనుబంధ ఆలయాలైన శ్రీవేణుగోపాలస్వామి, నాంపల్లి గుట్ట శ్రీ లక్ష్మీనర్సింహస్వామి ఆలయంలో శుక్రవారం శ్రీగోదా రంగనాయకుల కల్యాణ వేడుకలను వైభవంగా నిర్వహించారు. ప్రత్యేకంగా ఏర్పాటు చేసిన వేదికలపై గోదా రంగనాయకుల విగ్రహాలను అందంగా అలంకరించి ఆలయ స్థానాచార్యుడు అప్పాల భీమాశంకర్‌శర్మ ఆధ్వర్యంలో అర్చకులు కల్యాణ తంతును జరిపారు. కన్యదాతలుగా మరంగంటి గిరిధరచార్యుల దంపతులు వ్యవహరించారు. కార్యక్రమంలో ఏఈవో ప్రతాప నవీన్‌, అర్చకులు రాచకొండ భాను, గోపన్నగారి గణేష్‌, నమిలికొండ రాజేశ్వరశర్మ, ఆలయ సిబ్బంది, భక్తులు పాల్గొన్నారు.