తప్పిన నాలుగో అల ముప్పు?

బెంగళూరు (సదాశివనగర): కరోనా నాలుగో అల ప్రారంభమవుతుందని భయపడిన మేనెలలో వైరస్‌ తీవ్రత మందగనంలో సాగడం సామాన్యుడిని ఊపిరి తీసుకోనిస్తోంది. రాష్ట్ర వ్యాప్తంగా గురువారం కేవలం 124 పాజిటివ్‌ కేసులు నమోదయ్యాయి. ఇప్పటికే చికిత్స పొందుతున్న వారిలో 159 మంది పూర్తిగా కోలుకున్నారు. క్రియాశీల కేసుల సంఖ్య 1726కు చేరుకున్నాయి. పాజిటివిటీ 0.64 శాతంగా నమోదైంది. కెంపేగౌడ విమానాశ్రయంలో 4,086 మందికి, ఇతర ప్రాంతాల్లో 19,141 మందికి స్వాబ్‌ పరీక్ష నిర్వహించారు. రాష్ట్ర వ్యాప్తంగా 50,899 మంది టీకా వేయించుకున్నారు.