మెడకు ఉయ్యాలతాడు చుట్టుకొని బాలిక మృతి

బండిఆత్మకూరు, న్యూస్‌టుడే: మండలంలోని పెద్దదేవళాపురానికి చెందిన ఎనిమిదేళ్ల చిన్నారి కాత్యాయని మెడకు ఉయ్యాలతాడు చుట్టుకోవడంతో మృతిచెందారు. గ్రామానికి చెందిన సుబ్రహ్మణేశ్వరరావు, లక్ష్మీదేవి దంపతులకు ముగ్గురు సంతానం. సాయంత్రం ఇంట్లోని ఉయ్యాలలో సరదాగా ఊగుతుండగా పొరపాటున తాడు మెడకు చుట్టుకొని తిరిగింది. తల్లిదండ్రులు పాప ఎక్కడుందని వెతకుతుండగా, అనుమానం వచ్చి ఊడల వైపు చూశారు. అప్పటికే చిన్నారి అపస్మారకిస్థితిలోకి వెళ్లింది. వెంటనే ఓ ప్రైవేటు ఆసుపత్రికి తరలించారు. చిన్నారి మృతిచెందినట్లు వైద్యులు ధ్రువీకరించారు. బిడ్డ మృతితో తల్లిదండ్రులు గుండెలవిసేలా రోదించారు.