ఆభరణాలు, రూ.5.24 లక్షల నగదు సీజ్‌

బంగారు ఆభరణాలు, నగదును చూపిస్తున్న సీఐ విక్రమసింహా

ఆదోని నేరవార్తలు, న్యూస్‌టుడే: ఆదోని పట్టణంలోని షరాఫ్‌బజారులో గురువారం ఎలాంటి బిల్లులు లేకుండా బంగారు ఆభరణాలు, భారీ నగదును తీసుకెళ్తున్న సి.బెళగల్‌కు చెందిన రమేశ్‌ ఆచారి అనే వ్యక్తిని అదుపులో తీసుకున్నట్లు ఒకటో పట్టణ సీఐ విక్రమసింహా తెలిపారు. అతని వద్ద నుంచి రూ.5.24 లక్షల నగదు, 12 తులాల బంగారు ఆభరణాలు గుర్తించామన్నారు. వాటికి సంబంధించి ఎలాంటి బిల్లులు, ఆధారాలు లేకపోవడంతో సీజ్‌ చేశామన్నారు. ఐటీ శాఖ, వాణిజ్య పన్నుల శాఖకు నివేదికలు పంపించామన్నారు. వారిచ్చే నివేదికలు ఆధారంగా తదుపరి చర్యలు తీసుకుంటామన్నారు.