కనులపండువగా జ్యోతుల ఉత్సవం

జ్యోతులతో వస్తున్న భక్తులు

నందవరం (బనగానపల్లి గ్రామీణం), న్యూస్‌టుడే: బనగానపల్లి మండలం నందవరం గ్రామంలోని చౌడేశ్వరి అమ్మవారి ఆలయంలో ఉగాది ఉత్సవాల్లో భాగంగా ఆదివారం జ్యోతి మహోత్సవం కనుల పండువగా జరిగింది. తెల్లవారుజామున నుంచే జ్యోతులు చెన్నకేశవస్వామి ఆలయం నుంచి అమ్మవారి ఆలయానికి రావడంతో సందడి నెలకొంది. నృత్యాలు, డప్పు వాయిద్యాలతో జ్యోతులు తీసుకుని భక్తులు రావడంతో పరిసర ప్రాంతాలు కిక్కిరిసిపోయాయి. అమ్మవారికి కుంకుమార్చనలు, పూజలు చేశారు. భక్తుల సౌకర్యార్థం ఆర్టీసీ అధికారులు ప్రత్యేక బస్సులు నడిపారు. పలుకూరు పీహెచ్‌సీ ఆధ్వర్యంలో వైద్య శిబిరం ఏర్పాటు చేశారు. నంద్యాల ఎంపీ పోచా బ్రహ్మానందరెడ్డి, బనగానపల్లి ఎమ్మెల్యే కాటసాని రామిరెడ్డి సతీమణి జయమ్మ, ఎస్పీ రఘువీర్‌రెడ్డి సతీమణి కల్యాణి వేర్వేరుగా వచ్చి అమ్మవారికి పూజలు చేశారు.

పూజలందుకున్న అమ్మవారు