పెద్ద పులి దాడిలో గేదె మృతి

పెద్ద పులి పాదముద్రలు

ఆత్మకూరు, న్యూస్‌టుడే : ఆత్మకూరు మండలం ముష్టేపల్లి గ్రామ పరిధిలోని నల్లమల అటవీ ప్రాంతంలో ఉన్న జడలయ్య బేస్‌ క్యాంప్‌ సమీపంలో గేదెల మందపై పెద్దపులి దాడి చేసినట్లు రైతులు, పశువుల కాపరులు తెలిపారు. ఈ ఘటనలో చిన్న లక్ష్మిరెడ్డికి చెందిన పాడిగేదె మృతి చెందింది. పశువుల కాపరి రామరాజునాయక్‌ శుక్రవారం గ్రామ శివారులోని పొలాల్లో గేదెలను మేపుతుండగా పెద్దపులి ఓ గేదెపై దాడి చేసిందన్నారు. తాను గట్టిగా కేకలు వేయడంతో పులి అక్కడి నుంచి వెళ్లిపోయిందని ఆయన చెప్పారు. తీవ్రంగా గాయపడిన గేదెను ఇంటికి తీసుకొచ్చేందుకు ప్రయత్నించినా మర్గమధ్యలోనే మృతి చెందిందన్నారు. ఈ ప్రాంతంలో రెండు నెలలుగా పులి సంచరిస్తున్నట్లు అటవీ అధికారులకు చెప్పినా పట్టించుకోవడం లేదని గ్రామస్థులు ఆవేదన వ్యక్తం చేస్తున్నారు.