జగన్‌ ఇంటికి వెళ్లడం తథ్యం

కర్నూలు సచివాలయం, న్యూస్‌టుడే: రాష్ట్రంలోని ఆర్యవైశ్య సోదరులందరూ చంద్రబాబుకు మద్దతుగా తెదేపా అభ్యర్థుల విజయానికి కృషి చేస్తారని, సీఎం జగన్‌ ఇంటికి వెళ్లడం ఖాయమని తెదేపా రాష్ట్ర ప్రధాన కార్యదర్శి సోమిశెట్టి వెంకటేశ్వర్లు అన్నారు. ఆయన సోమవారం కర్నూలులో మాట్లాడారు. ఏపీకి రాజధాని లేకుండా చేసి ఐదేళ్లపాటు జగన్‌ కాలం వెళ్లబుచ్చారన్నారు. అమరావతిని చంద్రబాబు రాజధాని చేశారన్న అక్కసుతో రాష్ట్ర ప్రజలకు రాజధాని లేకుండా చేశారని ఆరోపించారు. జగన్‌ పాలనలో రాష్ట్రంలో ఆర్యవైశ్యులు పూర్తిగా అణచివేతకు గురయ్యారని చెప్పారు.