వైకాపా ప్రభుత్వంలో పేదలపై పన్నుల మోత: బీవీ

తెదేపాలో చేరిన కలుగట్ల గ్రామ మాజీ సర్పంచి, నాయకులు

ఎమ్మిగనూరు, న్యూస్‌టుడే: రాష్ట్రంలో వైకాపా ప్రభుత్వ పాలనలో పేదలపై పన్నుల భారం మోపిందని ఎమ్మిగనూరు తెదేపా అభ్యర్థి బీవీ జయనాగేశ్వరరెడ్డి అన్నారు. సోమవారం మండలంలోని కలుగట్ల గ్రామానికి చెందిన మాజీ సర్పంచి రామలింగుడు తెదేపాలో చేరారు. ఈ సందర్భంగా బీవీ మాట్లాడుతూ.. రాష్ట్రంలో వైకాపా పాలనలో గ్రామాభివృద్ధిని పూర్తిగా విస్మరించారన్నారు. తాగునీటికి ఇబ్బందులు పడుతున్నా ఈ ప్రభుత్వం పట్టించుకోవడం లేదన్నారు. వైకాపా ప్రభుత్వాన్ని సాగనంపేందుకు ప్రతి ఒక్కరూ కృషి చేయాలన్నారు. ఈ కార్యక్రమంలో తెదేపా నాయకులు మురళీకృష్ణరెడ్డి, శంకర్‌గౌడ్‌ పాల్గొన్నారు.