గడప.. గడపకు వెళ్లాల్సిందే

వాలంటీర్లను ఆదేశించిన బైరెడ్డి
పలువురు విముఖత

నందికొట్కూరు, న్యూస్‌టుడే : వాలంటీర్లు వైకాపా తరఫున ప్రచారం చేయాల్సిందేనని ఆ పార్టీ నేతలు తీవ్రస్థాయిలో ఒత్తిడి చేస్తున్నారు. నందికొట్కూరు పట్టణంలోని ఆ పార్టీ కార్యాలయంలో గురువారం శాప్‌ ఛైర్మన్‌ బైరెడ్డి సిద్ధార్థరెడ్డి అధ్యక్షతన వాలంటీర్లతో నియోజకవర్గ స్థాయి సమావేశం నిర్వహించారు.  ఇబ్బందనిపిస్తే రాజీనామా చేసి ప్రచారం చేయాలని సూచించారు. ఈసారి కూడా వైకాపా ప్రభుత్వమే అధికారంలోకి వస్తుందని, అప్పుడు మళ్లీ మిమ్మల్ని వాలంటీర్లుగా నియమిస్తామని చెప్పారు. వైకాపా అభ్యర్థి దార సుధీర్‌ విజయం కోసం ప్రతి వాలంటీరు కృషి చేయాలన్నారు. ఇందుకు చాలామంది వాలంటీర్లు విముఖత వ్యక్తం చూసినట్లు సమాచారం.