అప్పుల బాధతో రైతు ఆత్మహత్య

ఆదోని నేరవార్తలు, న్యూస్‌టుడే : ఆదోని మండలం బైచిగేరి గ్రామానికి చెందిన వడ్డే రామాంజనేయులు(47) అనే రైతు అప్పుల బాధ తాళలేక ఆత్మహత్య చేసుకున్నట్లు తాలూకా ఎస్సై ఎర్రిస్వామి శుక్రవారం తెలిపారు. గ్రామానికి చెందిన వడ్డే రామాంజనేయులుకు భార్య ఉరుకుందమ్మ, ఇద్దరు కుమారులు, ఒక కుమార్తె ఉన్నారు. ఎకరం సొంత పొలంలో వ్యవసాయం చేస్తూ కుటుంబాన్ని పోషించుకుంటున్నారు. పంట సాగు కోసం దాదాపు రూ.5లక్షలు అప్పు చేశారు. అప్పు తీర్చే మార్గం లేక మనస్తాపం చెంది గురువారం పురుగుల మందు తాగారు. చికిత్స పొందుతూ  శుక్రవారం మృతి చెందారు. కుటుంబ సభ్యుల ఫిర్యాదు మేరకు కేసు నమోదు చేసినట్లు పేర్కొన్నారు.