అక్రమాలు చేసినట్లు నిరూపించే దమ్ముందా బుగ్గనా

సమావేశంలో మాట్లాడుతున్న కోట్ల సూర్యప్రకాశ్‌రెడ్డి

డోన్‌, న్యూస్‌టుడే: మేం అక్రమాలు, అవినీతి చేసినట్లు నిరూపించే దమ్ముందా బుగ్గనా అని కేంద్ర మాజీ మంత్రి కోట్లసూర్యప్రకాశ్‌రెడ్డి ప్రశ్నించారు. శనివారం మండలంలోని ఓబులాపురం, చనుగొండ్ల, ఇందిరాంపల్లె, ఎర్రగుంట్ల, పెద్దమల్కాపురం గ్రామాల్లో ఎన్నికల ప్రచారం నిర్వహించారు. ఆయన మాట్లాడుతూ నీతి నిజాయతీతో రాజకీయాలు చేసిన అనవసర ఆరోపణలు తగవన్నారు. తాము అక్రమంగా రూ.కోట్లు సంపాదించలేదన్నారు. వైకాపా ప్రభుత్వం రైతుల జీవితాలతో చెలగాటం ఆడుతోందన్నారు. ఓబులాపురంలో  చనుగొండ్లలో పలువురు తెదేపాలోకి చేరారు. వారికి కండువాలు వేసి కోట్ల ఆహ్వానించారు.  తెదేపా రాష్ట్రకార్యదర్శి వలసలరామకృష్ణ, శేషిరెడ్డి, చిన్ననాగిరెడ్డి, శ్రీనివాసులు, మున్సిపల్‌ మాజీ వైస్‌ఛైర్మన్‌ కేశన్నగౌడ్‌, భరత్‌రెడ్డి, వెంకోబరావు, బజారు, వీరాంజనేయులు, గోరంట్ల, పాల్గొన్నారు.