ల్యాండ్ టైటిల్ యాక్ట్ చట్టంతో వైకాపా మోసం

గోనెగండ్ల: వైకాపా ప్రభుత్వం ల్యాండ్ టైటిల్ ఆక్ట్ చట్టం అమలులోకి తీసుకొచ్చి రైతాంగాన్ని మోసం చేస్తోందని ఎమ్మిగనూరు నియోజకవర్గం తెదేపా ఎమ్మెల్యే అభ్యర్థి బీవీ జయనాగేశ్వర్ రెడ్డి ఆరోపించారు. శుక్రవారం గోనెగండ్ల మండలంలోని పెద్దమరివీడు, చిన్నమరివీడు, గోనెగండ్ల గ్రామాలలో ఆయన ఎన్నికల ప్రచారం నిర్వహించారు. తెదేపా అమలు చేయనున్న సూపర్ సిక్స్ పథకాల గురించి ప్రజలకు వివరించారు. ఆర్డీఎస్ కుడికాలువ పనులు చేపట్టి రైతులకు సాగునీటి కొరత తీరుస్తామని నియోజకవర్గ రైతులకు భరోసా ఇచ్చారు. సైకిల్ గుర్తుకు ఓటు వేసి తెదేపా ఎమ్మెల్యే, ఎంపీ అభ్యర్థులు బీవీ జయ నాగేశ్వర్ రెడ్డి, పంచలింగాల నాగరాజును గెలిపించాలని ప్రజలను కోరారు. ఈ కార్యక్రమంలో చిన్నఅబ్దుల్, ప్రభుదాస్, అబ్దుల్, రాంభూపాల్ నాయుడు, శీను, నాగులు తదితరులు పాల్గొన్నారు.