శునకాలకు గోవుల తోడు

రోడ్లపై సంచరిస్తూ హడలెత్తిస్తున్న వైనం

రోడ్డుపై వాహనాలకు అడ్డంగా నిలిచిన ఆవులు

పర్లాఖెముండి, న్యూస్‌టుడే: పర్లాఖెముండి పట్టణ ప్రధాన మార్గాల్లో గోవులు వాహనదారులు, బాటసారులకు ఇబ్బందులు కలిగిస్తున్నాయి. రోడ్లపై బైఠాయిస్తుండడంతో రాకపోకలు చేసేవారు అవస్థలు పడుతున్నారు. దీంతోపాటు శునకాల బెదడ తీవ్రంగా వేధిస్తోంది. వాహనాల వెంట పడుతుండడంతో వాహనదారులు, పాదచారులు భయభ్రాంతులకు గురవుతున్నారు. పలు వీధులతోపాటు బజారు కూడలి ప్రాంతంలో గుంపులు గుంపులుగా తిరుగుతూ హడలెత్తిస్తున్నాయి. పురపాలక అధికారులు దీనిపై దృష్టి సారించి గోవులకు ప్రత్యేక ఏర్పాట్లు చేయాలని, కుక్కల సమస్య తీర్చాలని స్థానికులు కోరుతున్నారు.