డిసెంబరు 1న ఎకో రిట్రీట్‌ ప్రారంభం

ఫుట్‌సీల్‌లో పర్యటకులు బస చేసేందుకు ఏర్పాట్లు

సిమిలిగుడ, న్యూస్‌టుడే: కొరాపుట్‌ జిల్లా సిమిలిగుడ సమితిలోని ఫుట్‌సీల్‌లో పర్యాటక శాఖ ఆధ్వర్యంలో ఏర్పాటుచేసిన ఎకో రిట్రీట్‌ కేంద్రం డిసెంబర్‌ 1న ప్రారంభమవుతుందని కలెక్టర్‌ మొహమ్మద్‌ అబ్దల్‌ అక్తర్‌ తెలిపారు. ముఖ్యమంత్రి నవీన్‌ పట్నాయక్‌ వీడియో కాన్ఫరెన్స్‌ ద్వారా ఈ కేంద్రాన్ని ప్రారంభిస్తారని వెల్లడించారు. నాలుగు రోజులే సమయం ఉండటంతో పనులు శరవేగంగా సాగుతున్నాయని, పర్యటకులు రాత్రివేళల్లో ఇక్కడ బస చేసేందుకు అన్ని ఏర్పాట్లు పూర్తయ్యాయని, 28 టెంట్లు ఏర్పాటు చేశామన్నారు. ఇక్కడ ఎకో రిట్రీట్‌ ఏర్పాటుతో పర్యటకపరంగా అభివృద్ధి చెందడంతోపాటు గిరిజనులు ప్రత్యక్షంగా, పరోక్షంగా ఉపాధి పొందుతారని ఆశాభావం వ్యక్తం చేశారు.