ఆదివాసీ ఉత్సవాలు ప్రారంభం

విగ్రహానికి క్షీరాభిషేకం చేస్తున్న పీవో ఆనంద్‌

పార్వతీపురం, న్యూస్‌టుడే: ఆదివాసీ దినోత్సవం సందర్భంగా పార్వతీపురంలో గిరిజనులు ముందస్తు వేడుకలు నిర్వహించారు. సంప్రదాయబద్ధంగా డప్పు వాయిద్యాలతో ఐటీడీఏ పీవో ఆనంద్‌ను ఆహ్వానించారు. ఐటీడీఏ ఆవరణలోని అడవితల్లి విగ్రహానికి పీవో క్షీరాభిషేకం చేసి వస్త్రాలను సమర్పించారు. అనంతరం గిరిజనులతో కలిసి నృత్యం చేశారు. మంగళవారం జరగనున్న ఉత్సవాల్లో గిరిజనులంతా పాల్గొనాలని పీవో కోరారు. ఏపీవో సురేష్‌కుమార్‌, డీడీ కిరణ్‌కుమార్‌, ఏఏవోలు ప్రసాదరావు, తిరుపతిరావు, శ్రీనివాసరావు, సూర్యనారాయణ దొర, రామారావు, గిరిజన నాయకులు పారమ్మ, గౌరమ్మ, తమ్మయ్య, రంజిత్‌, సురేష్‌, సీతారాం తదితరులు పాల్గొన్నారు.