బాలికపై అత్యాచారయత్నం... పోక్సో కేసు నమోదు

సంతనూతలపాడు, న్యూస్‌టుడే: సంతనూతలపాడు స్టేషన్‌లో బుధవారం పోక్సో కేసు నమోదైంది. ఎస్సై శ్రీకాంత్‌ తెలిపిన వివరాలు ఇలా ఉన్నాయి. సంతనూతలపాడుకు చెందిన పదకొండేళ్ల బాలిక ఓ పాఠశాలలో చదువుతోంది. ఈ నెల 30న అదే గ్రామానికి చెందిన దుంపా వెంకట ప్రసన్నరెడ్డి అనే యువకుడు... మీ ఇంట్లో వారు పిలుస్తున్నారంటూ పాఠశాలలో ఉన్న బాలికను ద్విచక్ర వాహనంపై ఎక్కించుకుని గ్రామ శివారుకు తీసుకువెళ్లాడు. అక్కడ అత్యాచారానికి ప్రయత్నించగా... ఓ మహిళ చూసి కేకలు వేయడంతో, బాలికను తిరిగి పాఠశాలలో విడిచిపెట్టాడు. తరువాతి రోజు బాలిక పాఠశాలకు వెళ్లకుండా దిగాలుగా ఉండడంతో కుటుంబ సభ్యులు ఆరా తీశారు. దీంతో విషయం వెలుగులోకి వచ్చింది. ఆమె తండ్రి ఫిర్యాదు మేరకు పోక్సో కేసు నమోదు చేసినట్లు ఎస్సై తెలిపారు.