మన్యంలో జాతీయ పర్యవేక్షణ బృందం పరిశీలన

నౌగూడలో కూరగాయల పంటను పరిశీలిస్తున్న బృంద సభ్యులు

సీతంపేట, న్యూస్‌టుడే: సీతంపేట మన్యంలోని వివిధ గ్రామాల్లో జరిగిన ఉపాధిహామీ పనులను శుక్రవారం జాతీయ పర్యవేక్షణ బృంద సభ్యులు ఎస్‌.కె.ప్రదాన్‌, సత్యబ్రత బెహరా పరిశీలించారు. పెదరామ, నౌగూడ, మొగదార, దేవనాపురం, కోడిశ, కుసిమి తదితర గ్రామాల్లో భూ అభివృద్ధి, రహదారులు, ఎవెన్యూ ప్లాంటేషన్‌, సెరికల్చర్‌ తదితర పనులను చూసి వేతనదారులతో మాట్లాడారు. దస్త్రాలు పరిశీలించారు. పనులు జరిగిన చోట ఏర్పాటు చేసిన బోర్డుల్లోని వివరాలు చూశారు. వారితో పాటు ఎంపీడీవో ఉమామహేశ్వరరావు, ఏపీడీ శ్రీహరి, ఏపీవోలు, సాంకేతిక, క్షేత్రసహాయకులు ఉన్నారు.