తిరుమాతో కృష్ణారావు భేటీ

కృష్ణారావును సత్కరిస్తున్న తిరుమావళవన్‌

చెన్నై (సాంస్కృతికం), న్యూస్‌టుడే: ద్రావిడ దేశం వ్యవస్థాపక అధ్యక్షులు వి.కృష్ణారావు విడుదలై సిరుత్తైగల్‌ కట్చి (వీసీకే) అధినేత తిరుమావళవన్‌ను గురువారం రాత్రి మర్యాదపూర్వకంగా కలిశారు. గత నాలుగు దశాబ్దాలుగా ద్రావిడ దేశం నిర్వహిస్తున్న సేవలను వివరించారు. ఈ సందర్భంగా తిరుమావళవన్‌ కృష్ణారావును శాలువాతో సత్కరించి తాము కూడా ద్రావిడ దేశం చేపట్టే కార్యక్రమాలకు చేయూతనిస్తామని హామీ ఇచ్చారు. ఈ కార్యక్రమంలో డీఎంకే శాసనసభ్యులు కలైసెల్వన్‌, సీపీఐ కార్యదర్శి ముత్తరసన్‌, సీపీఎం కార్యదర్శి బాలకృష్ణన్‌లు పాల్గొన్నారు.