విశాఖ పర్యాటక అభివృద్ధికి కేంద్రం నిధులు

పెదవాల్తేరు, న్యూస్‌టుడే: విశాఖపట్నం ఓడరేవులోని ఔటర్‌ హార్బర్‌ క్రూయిజ్‌ బెర్త్‌ నిర్మాణం కోసం కేంద్ర పర్యాటకశాఖ నిధులు మంజూరు చేసిందని కేంద్ర పర్యాటక శాఖమంత్రి కిషన్‌రెడ్డి తెలిపారు. పార్లమెంటులో ఎంపీ జీవీఎల్‌ అడిగిన ప్రశ్నకు కేంద్రమంత్రి ఈ విధంగా బదులిచ్చారని ఎంపీ జీవీఎల్‌ కార్యాలయవర్గాలు తెలిపాయి. క్రూయిజ్‌ బెర్త్‌ నిర్మాణ మొత్తం ప్రాజెక్ట్‌ వ్యయం 38.50 కోట్లు కాగా రూ.29.91 కోట్లను పర్యాటక శాఖ ఇప్పటికే పోర్టుట్రస్టుకు  మంజూరు చేసిందని కేంద్రమంత్రి తెలిపారన్నారు. క్రూయిజ్‌ టెర్మినల్‌ పనులు 64 శాతం పూర్తయ్యాయని.. అలాగే సింహాచలం దేవస్థానంలో ప్రసాద్‌ పథకం కింద రూ.54.04 కోట్ల నిధులు అందించడానికి కేంద్రం నిర్ణయించిందని మంత్రి తెలిపారని జీవీఎల్‌ పేర్కొన్నారు.