బాలుడి ప్రతిభకు గుర్తింపు

ప్రశంసా పత్రంతో రియాన్ష్‌

పాయకరావుపేట, న్యూస్‌టుడే: ఇండియన్‌ బుక్‌ ఆఫ్‌ రికార్డ్స్‌లో శ్రీప్రకాష్‌ విద్యార్థి బి.రియాన్ష్‌కు స్థానం దక్కింది. యూకేజీ చదువుతున్న రియాన్ష్‌ ఆన్‌లైన్‌ ద్వారా జరిగిన ఎంపికలో 9 సెకన్లలో దక్షిణ అమెరికా ఖండంలోని 13 దేశాల జెండాలను గుర్తించాడు. ఈ బాలుడు ప్రపంచ పటంలో దేశాలను గుర్తించడంతోపాటు రాజధానులు, దేశంలోని రాష్ట్రాలు గుర్తిస్తూ ప్రతిభ చూపుతున్నాడు. చిన్నవయస్సులోనే ఇంత ప్రతిభ చూపడం హర్షణీయమని విద్యాసంస్థల సంయుక్త కార్యదర్శి సీహెచ్‌.విజయ్‌ప్రకాష్‌ తెలిపారు. విద్యార్థిని సంస్థ అధినేత సీహెచ్‌.వి.కె.నరసింహారావు తదితరులు అభినందించారు.