పాలకేంద్రమే పాఠశాల

ఈ చిత్రంలో కనిపిస్తున్న విద్యార్థులు, పాఠాలు బోధిస్తున్న ఉపాధ్యాయురాలిని చూసి విద్యాలయం అనుకుంటే పొరపాటే. ఇది ఎల్‌.కోట మండలంలోని వేచలపువానిపాలెంలో ఉన్న ఓ పాలసేకరణ కేంద్రం. గ్రామంలోని ప్రాథమిక పాఠశాలలో 27 మంది విద్యార్థులు, ఇద్దరు ఉపాధ్యాయులున్నారు. ఆ భవనం పూర్తిగా శిథిలావస్థకు చేరింది. తల్లిదండ్రుల ఆందోళన దృష్ట్యా చిన్నారులను ఇటీవల ఈ కేంద్రంలోకి తరలించారు. ఇక్కడి సమస్యను ఉన్నతాధికారులకు తెలియజేశామని, కొత్త భవన నిర్మాణానికి ప్రతిపాదనలు చేశామని ప్రధానోపాధ్యాయురాలు వాసవి తెలిపారు.- న్యూస్‌టుడే, లక్కవరపుకోట