ఆశ్రమ పాఠశాలల తనిఖీ

మధ్యాహ్న భోజనం పరిశీలిస్తున్న పీవో అంకిత్‌

ఏటూరునాగారం, న్యూస్‌టుడే: గిరిజన సంక్షేమ ఆశ్రమ పాఠశాలలను ఐటీడీఏ పీవో అంకిత్‌ మంగళవారం ఆకస్మిక తనిఖీ చేశారు. ఏటూరునాగారంలోని ఆకులవారిఘణపురం బాలికల ఆశ్రమ ఉన్నత పాఠశాలను, పీఎంహెచ్‌ బాలుర, బాలికల వసతిగృహాలను తనిఖీ చేశారు. ఆయా వసతి గృహాలు, ఆశ్రమ పాఠశాలల్లో వసతులు ఎలా ఉన్నాయో పరిశీలించారు. పాఠశాలకు రావాల్సిన రెన్యువల్‌ విద్యార్థులను తిరిగి చేరే విధంగా చర్యలు తీసుకోవాలని ఉపాధ్యాయులను ఆదేశించారు. పీఎమ్మార్సీ భవనాన్ని తనిఖీ చేసి వినియోగించుకోవాలన్నారు. భవనం ఆవరణలోని న్యూట్రీ బాస్కెట్‌ తయారీ కేంద్రాన్ని తనిఖీ చేశారు. ఏపీవో వసంతరావు, గిరిజన సంక్షేమ శాఖ ఉప సంచాలకుడు పోచం, ఏటీడీవో దేశీరాం, ఇతర అధికారులు పాల్గొన్నారు.