సీ విజిల్‌ ఫిర్యాదులకు సత్వర పరిష్కారం : కలెక్టర్‌

మాట్లాడుతున్న కలెక్టర్‌ అభిషిక్త్‌ కిశోర్‌

రాయచోటి, న్యూస్‌టుడే: రాష్ట్ర ఎన్నికల సంఘం మార్గదర్శకాలను అనుసరించి జిల్లాలో సీ విజిల్‌, ఎన్‌ కోర్‌, ఈ ఎస్‌ఎంఎస్‌ల ద్వారా అందిన ఫిర్యాదులను సత్వరం పరిష్కరిస్తున్నామని ఎన్నికల అధికారి, కలెక్టర్‌ అభిషిక్త్‌ కిశోర్‌ పేర్కొన్నారు. కలెక్టరేట్‌లో బుధవారం ఆయన అధికారులతో సమీక్షించారు. జిల్లాలో ఎన్నికల ప్రవర్తన నియమావళి ఉల్లంఘనపై 583 ఫిర్యాదులందగా 564, సి-విజిల్‌ ద్వారా 74 ఫిర్యాదులకు  74, ప్రింట్‌ మీడియా ద్వారా 52 ఫిర్యాదులందగా 52, కంప్లయింట్‌ మానిటరింగ్‌ యాప్‌, సీఈవో ద్వారా 16 ఫిర్యాదులందగా 8, ఆఫ్‌లైన్‌ ద్వారా 25 ఫిర్యాదులకు 22 పరిష్కరించామని వివరించారు ఎన్నికల కోడ్‌ అమల్లోకి వచ్చిన వెంటనే కలెక్టరేట్‌లో జిల్లా ఇంటిగ్రేటెడ్‌ కమాండ్‌ సెంటర్‌ను ఏర్పాటు చేశామన్నారు. జిల్లా వ్యాప్తంగా రూ.61.19 లక్షల విలువైన నగదు, వస్తువులు సీజ్‌ చేశామని వివరించారు. ఎంసీసీ అతిక్రమణల కింద ఏడు కేసులు నమోదు చేశామని కలెక్టర్‌ వివరించారు.