తెదేపాతోనే రాష్ట్రాభివృద్ధి సాధ్యం

క‌ల‌స‌పాడు: తెదేపాతోనే రాష్ట్ర అభివృద్ధి సాధ్యమని ఆ పార్టీ వాణిజ్య విభాగం రాష్ట్ర ఉపాధ్యక్షుడు రంతూ తెలిపారు. శనివారం మండల కేంద్రంలో భాజపా ఎమ్మెల్యే అభ్యర్థి బొజ్జా రోశ‌న్న‌ కుమారుడు బొజ్జా కార్తీక్‌, ఎన్డీయే కూటమి శ్రేణులతో కలిసి ఇంటింటి ప్రచారం నిర్వహించారు. భాజపా ఎమ్మెల్యే అభ్యర్థి, తెదేపా ఎంపీ అభ్యర్థికి ఓటు వేసి అత్యధిక మెజారిటీతో గెలిపించాలని ఓటర్లను అభ్యర్థించారు. ఈ కార్యక్రమంలో తెదేపా,  జనసేన భాజపా నాయకులు భద్రయ్య, నాగేంద్రరావు, రోషిరెడ్డి, సలీం, ఈశ్వర్ రెడ్డి, రామాంజనేయరెడ్డి, సురేష్ కుమార్ రెడ్డి, రవీంద్రారెడ్డి తదితరులు పాల్గొన్నారు.