YS Bhaskar reddy: ఎస్కార్ట్‌ బెయిల్‌ పొడిగించాలని భాస్కర్‌ రెడ్డి పిటిషన్‌

అమరావతి: తన ఎస్కార్ట్‌ బెయిల్‌ పొడిగించాలని కోరుతూ మాజీ మంత్రి వైఎస్‌ వివేకానందరెడ్డి హత్య కేసు నిందితుడు, కడప ఎంపీ అవినాష్‌రెడ్డి తండ్రి వైఎస్‌ భాస్కర్‌రెడ్డి సీబీఐ కోర్టులో పిటిషన్‌ దాఖలు చేశారు. కంటికి కాటరాక్ట్‌ శస్త్రచికిత్స చేయించుకున్నట్లు తెలిపారు. వైద్యుల సూచన, తదుపరి చికిత్సల కోసం రెండు నెలల పాటు పొడిగించాలని పిటిషన్‌లో పేర్కొన్నారు. దీనిపై ఈనెల 3న విచారణ చేపడతామని కోర్టు తెలిపింది. 

కాంగ్రెస్‌లో మూడు కమాండ్‌ల పాలన

గతనెల 22 నుంచి ఈనెల 3 వరకు భాస్కర్‌ రెడ్డి ఎస్కార్ట్‌ బెయిల్‌ పొందారు. సీబీఐ కోర్టు పెట్టిన షరతు మేరకు అక్టోబర్‌ 3న ఉదయం 10:30 గంటలకు భాస్కర్‌ రెడ్డి లొంగిపోవాల్సి ఉంది.