Nirmal: మాజీ ఎమ్మెల్యే మహేశ్వర్‌రెడ్డి నిరాహార దీక్ష భగ్నం

నిర్మల్‌: భాజపా నేత, మాజీ ఎమ్మెల్యే ఏలేటి మహేశ్వర్‌రెడ్డి చేపట్టిన నిరాహార దీక్షను పోలీసులు భగ్నం చేశారు. నిర్మల్‌ పట్టణ మాస్టర్‌ ప్లాన్‌, జీవో నం.220ను రద్దు చేయాలని మహేశ్వర్‌రెడ్డి ఐదురోజుల క్రితం నిరాహార దీక్ష చేపట్టారు. దీంతో పోలీసులు ఆదివారం అర్ధరాత్రి దాటాక మహేశ్వర్‌రెడ్డి దీక్షను భగ్నం చేశారు. 

మహేశ్వర్‌రెడ్డి నిరాహార దీక్షకు సంఘీభావంగా భాజపా మహిళా మోర్చా ఆధ్వర్యంలో పార్టీ కార్యకర్తలు చేపట్టిన రాస్తారోకో ఉద్రిక్తతకు దారితీసిన సంగతి తెలిసిందే. దీంతో ఆందోళనకారులు మంత్రి అల్లోల ఇంద్రకరణ్‌రెడ్డి ఇంటి ముట్టడికి ప్రయత్నించారు. దీంతో పోలీసులు లాఠీఛార్చి చేసి ఆందోళనకారులను చెదరగొట్టారు.