హాల్‌టికెట్‌ రూపంలో పెళ్లి పత్రిక!

విద్యార్థులకు ధైర్యం చెప్పేందుకు జంట వినూత్న ప్రయత్నం

బెళగావి: ఓ జంట తమ పెళ్లి పత్రికను హాల్‌టికెట్‌ రూపంలో ముద్రించి ఆందరి దృష్టిని ఆకట్టుకుంది. కర్నాటక రాష్ట్రంలోని బెళగావికి చెందిన పార్వతి, బసవరాజ అనే వధూవరులు ... తమ వివాహ వేడుకల సందర్భంగా విద్యార్థులకు ధైర్యం చెప్పేందుకు వినూత్న ప్రయత్నం చేశారు. వచ్చే నెల నుంచి ప్రారంభం కానున్న పాఠశాల, కళాశాల పరీక్షల పట్ల విద్యార్థుల భయం పోగొట్టాలని ఈ విధంగా శుభలేఖలు ముద్రించినట్టు వారు తెలిపారు. హాల్‌టికెట్‌ నమూనాలో ముద్రించిన తమ వివాహ పత్రికతో బంధుమిత్రులను ఆహ్వానించి... జీవితంలో అన్ని పరీక్షలను ధైర్యంగా ఎదుర్కోవాలనే సందేశాన్నిచ్చారు. సామాజిక సందేశంతో ముందడుగు వేసిన ఈ జంట ఈ సోమవారం ఒక్కటయ్యింది.