Rajamahendravaram: పట్టాలు తప్పిన గూడ్స్‌.. ఏపీలో 9 రైళ్లు రద్దు

రాజమహేంద్రవరం: రాజమహేంద్రవరం స్టేషన్‌ సమీపంలో గూడ్స్‌ రైలు పట్టాలు తప్పి పక్కకు ఒరిగింది. బుధవారం తెల్లవారుజామున 3 గంటలకు ఈ ఘటన జరిగింది. రైల్వే సిబ్బంది అక్కడికి చేరుకుని మరమ్మతులు చేపట్టారు.

గూడ్స్‌ రైలు పట్టాలు తప్పడంతో ఒకే ట్రాక్‌పై ఇతర రైళ్ల రాకపోకలు కొనసాగుతున్నాయి. ఈ నేపథ్యంలో నేడు బయల్దేరాల్సిన 9 రైళ్లు పూర్తిగా.. రెండు పాక్షికంగా రద్దు చేస్తున్నట్లు దక్షిణ మధ్య రైల్వే వెల్లడించింది. ఈ మేరకు విజయవాడ రైల్వే డీఆర్‌ఎం ట్వీట్‌ చేశారు.

 రద్దయిన వాటిలో విజయవాడ నుంచి విశాఖపట్నం, గుంటూరు-విశాఖపట్నం,  విజయవాడ-కాకినాడ పోర్టు మధ్య నడిచే రైళ్లు ఉన్నాయి. విజయవాడ- లింగంపల్లి (12805) రైలును 2 గంటల ఆలస్యంగా నడపనున్నట్లు రైల్వే అధికారులు తెలిపారు. పలు రైళ్లు రద్దు కావడం, మరికొన్ని ఆలస్యంగా నడుస్తుండటంతో ఈ ఉదయం విశాఖ రైల్వేస్టేషన్‌ బోసిపోయింది.  మరోవైపు రాజమహేంద్రవరం వద్ద పట్టాలకు మరమ్మతులు పూర్తవడంతో శేషాద్రి ఎక్స్‌ప్రెస్‌కు లైన్‌ క్లియర్‌ చేసి పంపించారు.

రద్దయిన రైళ్ల వివరాలివీ..