TS Corona: 2 వేల దిగువ‌కు కొత్త కేసులు

హైదరాబాద్‌: తెలంగాణ రాష్ట్రంలో రోజువారీ క‌రోనా కేసుల్లో త‌గ్గుద‌ల న‌మోదైంది. గ‌త 24 గంట‌ల్లో 61,053 క‌రోనా పరీక్ష‌లు నిర్వ‌హించ‌గా.. కొత్తగా 1,801 పాజిటివ్‌ కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 5,75,827కి చేరింది. ఈ మేరకు తెలంగాణ వైద్యారోగ్య శాఖ బులిటెన్‌ విడుదల చేసింది. రాష్ట్రంలో కరోనాతో మ‌రో 16 మంది మరణించారు. దీంతో ఇప్పటి వరకు మృతి చెందిన వారి సంఖ్య 3,263కి చేరింది. రాష్ట్రంలో ప్రస్తుతం 35,042 మంది హోం ఐసోలేషన్‌లో చికిత్స పొందుతున్నారని వైద్య ఆరోగ్యశాఖ తెలిపింది. జీహెచ్‌ఎంసీ పరిధిలో తాజాగా 390 మందికి కరోనా పాజిటివ్‌ నిర్ధారణ అయ్యింది.